Guarda Nos Costa den fin di siman a pone su personal riba caya pa haci un control mas intenso. Esaki tabata e di dos fin di siman unda cu a subi caya pa controla si doñonan di trabou ta cumpli cu leynan local pa loke ta traha nan trahadonan.
Durante e fin di siman di 25 y 26 maart 2022, Guarda Nos Costa a controla: Irinian Bar & Rest., Tio Pepe Bar Restaurant, Zhou Gang Bar & Rest., Well Well Bar & Rest., Dreamhouse Bar & Rest., Bucuti Yacht Club, Sta. Cruz Bar, Anytime Bar & Rest., Bar di Charlie, Great Rich Bar & Restaurant, Jo-Ann Bar & Rest., Fermin’s Bar, Yen Yen Bar & Rest., Lekker Bar & Rest., South Beach Mall, Le Braisse Restaurant, Hang out Sports bar, Gusto Night Club, Kioskonan riba hotel strip, Sunshine Bar y Bochincha Container Yard.
Por mira cu no a concentra riba un solo área sino a pasa rond Aruba. Tabatin diferente establecimento cu no tabata cumpli cu cierto rekisitonan y a parti multa na e siguiente negoshinan: Irinian Bar & Restaurant; Jo-Ann Bar & Restaurant; Le Braisse Restaurant; Great Rich Bar & Restaurant; Bar di Charlie; Lekker Bar & Restaurant.
Personanan cu a wordo descubri cu no ta cumpli cu rekisitonan di ley ta di nacionalidad: Italiano; Macedonia; Albanes; Venezolano; Colombiano y Ecuatoriano. Ta papia aki di diesun (11) persona.
Den e fin di siman tras di lomba e controlnan a sigui riba dianan prome y 2 di april, pasando na negoshinan manera Le Braisse Restaurant; Yen Yen Bar & Restaurant; Golden Buddha Bar & Restaurant; Kiko Riko; Los Cafeteros; Sabor Zuliana; Chalo Burger; Parillada de Frank y Torino Sports. Tur e negoshinan aki ta na e parti west di Aruba.
Durante e controlnan aki tambe a descubri personanan trahando cu no ta cumpli cu rekisitonan di ley pa cual Guarda Nos Costa mester a bay cu nan. Boet a bay pa: Kiko Riko; Le Braisse y un biaha mas Parillada de Frank. E shete personanan aresta ta di nacionalidad Venezolano y Colombiano.
Guarda Nos Costa ta haci un apelacion na tur doño di trabou pa percura cu tur empleado nan documentonan ta na ordo. Si esakinan no ta controlnan sporadico sino controlnan regular cu ta tuma luga den cuadro di leynan vigente. E multanan cada biaha ta sigui aumenta pa negoshinan cu sigui haci uzo di trahadonan cu nan documentonan no ta na ordo.