Carnaval di mucha no tabata grandi, pero si bunita y muchanan por a baila y gosa na smaak. E bandanan a percura di trece un bon ambiente pa nos muchanan y por mira con dushi mucha y hoben a jump baila y disfruta di nan parada manera mester ta, aunke cu cada grupo no tabata grandi por bisa cu tin un tremendo ambiente y un fantasia unico manera Aruba sa trece na varios ocasion, No por a mira e luho di e carnaval manera ta custumber , pero si por a mira e creatividad di nos hendenan cu a sobresali. Sigur e creatividad ta e toke mas importante y cu ta haci posibel cu e historia di loke cada grupo kier trece dilanti pa sobresali. Alabes nos tur ta consciente cu esaki ta e prome carnaval despues di COVID y Aruba a sa di saca cara y pone un bon y tremendo carnaval di mucha riba pia, pero tambe cada lider di grupo a sa di demostra cu den corto tempo por a logra crea un fantasia cu awe Aruba ta gosa di dje.
