ORANJESTAD, Aruba
Awetardi pa 5PM e grupo TA BASTA a tene un manifestacion cu a cuminsa na Linear Park y bay te dilanti Parlamento di Aruba esaki a sosode e biaha aki cu diferente vehiculo cu a para dilanti Parlamento di Aruba den un forma di fila. No ta mucho tempo atras unda cu e grupo aki a tene nan manifesto masal unda cu mas cu 300 persona a uni pa e causa di e grupo cu ta pa para y caba cu abuso di mucha, End Child Abuse. E biaha aki e grupo a organisa e manifesto aki den forma cu a protesta y a entrega un map cu diferente punto na Presidente di Parlamento sr. Ady Thijsen y Minister Glenbert Croes y tambe Minister Andin Bikker. Minister Glenbert Croes a vocivera cu bou di su ministerio Sociaal Crisis Plan ta trahando riba difernte aspecto di abuso di mucha y cu e lo kier pa e grupi TA BASTA uni pa sinta hunto cu e staff di Sociaal Crisisplan pa asina por traha hunto cu e punto nan cu e grupo TA BASTA ta conseha pa bin cambio na nan. Minister Andin Bikker tambe a reacciona riba e grupo bisando cu tin hopi trabou cu ta wordo hasi interior cu publico no ta mira por ehemper Minister Bikker a menciona cu ni 3 dia pasa Aruba a haya un PG nobo cu su trabou den pasado tawata pa atende exactamente cu e tipo di casonan aki cu ta envolvi abuso di mucha. Minister Bikker a sigui papia tocante e puntonan cu e grupo TA BASTA a manda dne nan dosjee y a bisa cu un par di e cambio pa tocante ley ta fasil y por wordo hasi mirando cu nan ta recht technisch simpel pero tin otro cambio cu lo tuma mas tempo, apesar di tur esaki Minister Bikker a bisa e grupo TA BASTA cu e trabou lo sigui cu nan ta den bon caminsa. E miembronan di e grupo TA BASTA a aprecia e palabranan aki di e Ministernan pero no por kita e echo cu ya tin lunas ta wardando riba un forma di accion of cambio. Ki dia lo traha pa e muchanan cu ta sufriendo, e muchanan cu te dia di awe ta wordo abusa. Kiko a pasa cu “Cambia e leynan den 6 minuut”? E grupo TA BASTA a palabra cu Minister Bikker pa sinta cu ne den e siman binidero pa concretisa e sigiente pasonan di cambio pa nos muchanan.
