Taxistanan a keda yama pa un reunion cu Minister Ursel Arends. Despues di algun ora e taxistanan a Sali for di e reunion y abogado di taxistanan Desiree Croes ta duna di conoce cu Minister a duna splicacion di algun punto, pero di nan banda tambe e taxistanan tambe a splica minister di e dolor cu e taxistanan tin.
Abogado Desiree Croes ta duna di conoce cu den e reunion di awe 18 di September 2024 minister a compronde kico realmente ta e problema cu e taxistanan tin. Tambe e otro grupo di taxi tampoco no a aproba y no a bay diacuerdo cu ningun di e cambionan, esey ta loke e Sali for di e reunion. Tambe a haci peticion un biaha mas na Minister Ursel Arends pa kita e MB, pero no a kita esaki , pero si a indica cu lo e bay pensa riba e parti aki. Na mes momento den e reunion Minister Ursel Arends a indica y a pidi pa taxistanan “denk weg” e MB, pero e taxistanan ta prefera pa “haal weg “ e Mb nan pa asina por papia hopi mas trankil.
Sinembargo abogado Desiree Croes ta indica cu por a tuma nota den e reunion aki hopi disponibilidad pa por yega na un solucion y ta sinti cu den e reunion di 18 di september por a tuma nota cu minister Ursel Arends a scucha y a compronde hopi mas miho compara cu e prome biahanan cu a papia cu a mandatario , hopi di e puntonan a bira mas cla y esaki sigur ta cuminsa cana cu bon paso pa por yega na otro pa bienestar di ambos partido.
Tambe tabatin un otro presentacion cu minister kier a mira, pero den e presentacion aki tampoco no tabata sinti e confiansa , pesey mes a pone riba mesa cu tanto bal ta keda papia di cambionan si no ta atende cu e olifante den camber.
Segun abogado Desiree Croes loke tabata hopi bon cu e reunion a atende cu e olifante den camber hopi bon mes y na mes momento no kier sigui papia si tin e MB riba mesa y ta pidi pa tur cos kita pa asina cuminsa na papia bek. Abogado Desiree Croes a duna e palabra na momento cu e MB nan wordo kita lo pone un fecha mesora pa reuni y hunto lo yega na un solucion.
Lo cuminsa papia bek y lo acerca tur e personanan cu ta keda afecta door di e cambionan y lo trece un solucion. Di banda di taxistanan a trata minister semper cu respet apesar di tur e palabranan mahos cu a keda uza contra di e grupo y di banda di minister e la priminti cu lo pidi un despensa publico tambe y sigur e taxistanan ta hopi contento cu e decision aki di minister.
Manera cu e MB nan keda hala e trabounan ta cuminsa pa conhuntamente cu minister yega na solucionnan na bienestar di esunnan cu ta keda afecta , pero tambe na bienestar di e maneho cu e mandatario ta desea.
Por bisa cu na final ta contento con e reunion a bay y cu minister a cuminsa mira e cosnan diferente.
