Grupo di hobennan di “La casa di musica Bonaire” tabata na Aruba. E meta di e fundacion “La casa di musica bonaire” ta pa tur aña un di e gruponan di mucha di brassband mester Sali y toca den exterior, aunke cu ta klein Bonaire pero nan tin cu Sali for di Boneiro pa toca den exterior.
E aña aki a toca Aruba como meta unda cu e muchanan su deseo tabata pa basta tempo caba pa yega Aruba y e aña aki nan soño a bira realidad. E mundo di brassband na Boneiro poco poco ta bira mas conoci y awo “La casa di musica Bonaire” ta poniendo mas atencion riba esaki unda cu hopi mas mucha ta scoge pa toco brassband y ta creando mas grupo, asina hefe di delegacion Sidney Coromoto Pieters mihor conoci comi tito di “Casa de musica Bonaire” ta duna di conoce.
E hobennan di “La casa di musica Bonaire” ta focus hopi mas tanto riba e tipo di brassband Europeo unda cu ta uza ritmo di merengue, bobeling y di samba. Sinembargo e ritmo antiguo cu a keda saca for di Aruba cu ta asambeho tambe ta keda toca pero esaki ta keda toca mas tanto como in entertaiment porehempel ora nan ta denta of sali pa termina nan show. Di e manera aki nan ta demostra cu nan por e asambeho tambe. Loke ta un realidad cu na momento cu bo ta toca brassband bo por toca tur sorto di ritmo pero si bo no por toca e asambeho esey kiermen cu bo no a toca brassband.
Aunke cu brassband no ta forma parti hopi di e marcha di carnaval di Boneiro, por bisa cu den e ultimo añanan ta mira diferente progreso den esaki unda cu e brassband tambe ta forma parti di marcha di carnavalnan di Boneiro y sigur e muchanan ta haci nan best den e parti aki.
E hobennan a bolbe Boneiro diadomingo ultimo y a keda contento y satisfecho cu a bishita Aruba y cu por a toca na un proyecto cu a habri su portanan na San Nicolas.
