Den e aña di conmemoracion di abolicion di sclavitud Gobierno Hulandes a pidi disculpa i cu esaki no ta un punto pero un coma i Rei a pidi pa pordona Hulanda. Den e cuadro aki tin fondo pa e islanan bini cu proyecto relaciona cu e continuacion di e pasado di sclavitud den e comunidad actual.
E liña cora den e combersacionnan cu Hulanda ta racismo, discriminacion i colonialismo. Grupo di dialogo Bonaire a presenta un proyecto pa bini cu un monumento cu nomber i fam di esunnan cu tabata catibo a haya libertad prome di juli 1863. Hulanda a bay di acuerdo pa facilita e monumento. Mi ke trece un discusion saliendo for di e combersacionnan di mesa cu Grupo di Dialogo ta organisa. Un punto importante ta si ta nomber di e hendenan libera so mester ta riba e monumento.
Unda nomber di e doñonan di catibo mester bini i e parti di Hulanda. Na Hulanda tambe tabatin bos pa aboli sclavitud i nan tambe mester haya un luga den monumento. Si nos ke combati racismo, discriminacion i colonialismo nos mester evita di pensa den esunnan culpabel i esunnan victima. Grupo di dialogo Bonaire ta boga pa bay den terapia cu Hulanda pa motibo cu Bonaire i Hulanda tin un historia tocante sclavitud comparti. Keda pensa riba cen ta bira nos desgracia i special keda acepta “Wie betaalt, bepaalt”.
E guera largo i frustrante mester ta bringa riba diferente tereno manera: drecha calidad di bida, amplia e parti di conscientisacion, pone nos ignorancia na discusion, haci de todo na nos prehuicio, reconoce nos erornan di den pasado. Nos tin e obligacion pa para den sapato di e otro. E lucha contra racismo, discriminacion i colonialismo ta di nos tur na Bonaire.
