Shein Linar ta miembro activo den Red Cross Bonaire y ta na Aruba hunto cu su otro coleganan di Boneiro pa participa na e workshop di desaster y tambe cera un band cu e coleganan di Red Cross Aruba mirando cu tanto Boneiro y Aruba ta den Caribe y importante ta pa cera union pa asina traha hunto pa un solo meta.
Na momento cu e periodo di desaster ta drenta of e periodo di horcan ta drenta ta acapa tur miembro y Boneiro cu informacionnan necesario y trainingnan necesario cu ta pone cu nan ta capas pa por atende cu un desaster of un situacion di un horcan presenta pa yuda e comunidad na momento cu e situacion presenta.
E islanan den Caribe semper ta train hunto mirando cu nos tur ta forma parti di un solo Rode Kruis maske cu ta separa for di cada isla pero nos tur ta cay bou di Hulanda cu ta De Nederlandse Rode Kruis . Pa e motibo aki mes ta train hunto pa conoce otro pa sa con lo mester atende cu otro na momento cu un situacion mester presenta.
Loke cu ta un realidad na e manera cu Aruba ta opera Boneiro ta opera un poco mas diferente , pesey mes na momento cu e training nan ta tuma luga hunto cu e otro islanan cada un isla sa den ki nivel cada isla ta para y sa tambe con pa yega bek hunto pa e trabao of pa e isla cu ta na dje haya e ayudo manera mester ta.
Tin algun parti nobo cu lo hiba pa isla di Boneiro principalmente con ta atende cu e prome yamada di calamidad y durante di e calamidad , tambe a siña con bo ta reparti e paketenan , con ta organisa , con ta acumula e informacion y con ta haci e evaluacion di e desaster cu pasa.
Segun Shein Linar tin diferente fasenan cu lo hiba bek Boneiro, pero tambe tin partinan cu Red Cross Boneiro no ta prome yama pa hacie, pero por uze como experiencia pa si dado caso e presenta cu mester hacie e paso nan na Boneiro por haci esaki sin ningun problema. Ta trata aki e parti di Triage, E grupo di Red Cross di Boneiro a siña hopi di dje unda cu tin mas bista awo con ta haci henter e proceso aki na momento cu un desaster pasa.
Banda di tur esaki na Boneiro tin mester di mas boluntario, na momento cu ta trata di boluntario nunca no ta suficiente. Aunke cu Boneiro ta un isla cu e poblacion ta basta chikito ta pone cu e boluntarionan ta limita. Pesey mes na Boneiro tur boluntario ta welcome pa forma parti di Red Cross Boneiro.
Segun Shein Linar tur e informacion cu a ricibi na Aruba lo bay bek cu esaki na Boneiro y asina pase over pa e otro boluntarionan cu tin pa asina nan tambe yega na e nivel cu nos tur ta. E intencion ta pa e enseñansa cu a hiba pa comparti esaki cu Boneiro completo. Tambe e intencion ta cu lo pone un training pa e boluntarionan na Boneiro.
