Diasabra atardi, gran parti di e bikernan di Ariba, specialmente esunnan den e Mundo di Harley Davidson, a join hunto, pa asina tene un atardi di recorida, pa asina recauda fondo pa Jairo conoci como J Rod, kende a sufri un accidente y awo ta den tramite pa su recuperacion. Lamentablemente na Aruba no ta cubri e recuperacion completo di ciudadanonan cu haya nan den problema despues di un accidente unda cu nan mester sigui haya tratamento di terapia, esaki ta pone cu e ciudadano mes mester cubri esaki, pero e costonan ta mucho halto.
Pa e motibo aki mes tur grupo di Harly na Aruba y Internacionalmente a uni pa un bon causa yuda y support jairo den su proceso y a recauda fondo pa esaki. Di e manera aki ta mustra cu ta hunto den tempo bon y tempo malo unda ta mustra e hermandad cu tin entre e biker nan di Aruba
Tambe a bin un grupo di 68 biker di diferente estado di Merca, pa asina reenforsa e bunita gesto aki. E ride mes a start sali di Old Shool arena y a termina eynan mes, despues a tuma luga un atardi hopi agradabel y cu diferente premio, cu e bikernan por a disfruta, por bisa cu e evento tabata uno mas cu a resulta exitoso.
