Gosa di Aquafest, pero no lubidá bo responsabilidat

Djasabra binidero 5 di ougùstùs Aquafest ta tuma lugá: e festival riba laman entre e waf di Karel’s i Waf Chico Mercelina (waf di nort). Gezaghèber interino Nolly Oleana ta deseá tur hende un ratu hopi plasentero. ‘Esaki ta un bunita evento pa nos komunidat i mi ta deseá tur hende un tempu dushi riba laman i tambe na kantu. Mi ta asumí ku goso por kana huntu ku rèspèt pa nos naturalesa, pa nos medio ambiente i pa otro. Pues tuma bo responsabilidat di manera ku e evento akí por tuma lugá den un forma ordená i seif. Rùim òp tur bo shushi, di manera ku esaki no ta kontaminá nos laman.’

Pa sòru ku e festival riba laman ta kana bon i seif, Wardakosta, Duana, Koninklijke Marechaussee, Kuerpo Polisial Hulanda Karibense i Entidat Públiko Boneiru, ku huntu ta forma e Punto di Konekshon Marítimo Multidisiplinario Boneiru, lo tene supervishon i kontrolá. Den konsulta a duna pèrmit i ta tuma e medidanan nesesario. Lo tin por ehèmpel un liña presente pa mara boto. Banda di esaki ta sera e área entre waf di Karel’s i Waf Chico Mercelina (waf di nort). Despues ku e evento terminá ta hasi limpiesa.