Pa motibu di e yobida fuerte di awe durante basta ora, gobièrnu mester a tuma medida na diferente sitio. Awe djasabra 5 di novèmber for di den oranan di mainta Boneiru tabatin algun yobida fuerte. Mayoria molèster tabata pa motibu di áwaseru pa oranan largu. Esaki tabatin komo konsekuensia ku e awa no ta kore bai asina lihé.
E tim di trabou públiko mobilisá for di tempran a sera ‘centrumgebied’ i malekon pa tur tráfiko. Tabatin vários notifikashon di molèster di awa na diferente adrès na nos isla. Den forma preventivo ku regularidat a kontrolá tur roi, dam i sitionan kaminda awa tin ku kore bai.
No tabatin petishon pa evakuashon ni nesesidat pa akohida di emergensia. Por lo general suidadanonan ta yuda nan mes i otronan den situashonnan di molèster di awaseru. Krus Kòrá tambe tabata kla prepará pa duna asistensia den kaso ku esaki lo tabata nesesario.
Por lo pronto e atvertensia pa mas áwaseru i bientu prinsipalmente for di direkshon di sùitwèst ta keda vigente.
