Kapasidat normal di CMC pa loke ta Intensive Care ta 16 kama. Mester a buta basta kama èkstra i por bisa ku tur a yena. Trabou a kuminsá pa buta 15 kama mas pero no ta sufisiente. Tin ku wak personal tambe pa atendé ku esaki.
Si sigui asina aki ta premirá ku mas hende ta bai muri. Hopi hende ta keda bisa ku ta manipulá ku sifra, pero no ta asina. E kos ta serio.
E úniko solushon ku tin ta pa nos mes kuida nos mes. E variante nobo su kontagio ta mas tantu i peligroso. E medidanan ta drenta na vigor 2 aprel 2021. Toke de keda ta bira 7or pm a 4:30 am
4:30am- 8oram 12or-2or pm i 4:30pm 6:30pm ta ora pa Mantel Zorg ( kuida hende den nesesidat).
Tur lugá mester sera pa 6or di atardi.Restorant por entrega na kas so te 6or di atardi. Trùk di Pan por entrega na kas entre 2or di atradi pa 6 or di atardi.
Ta bai atendé ku e eksonerashon paso tin mas di 30 mil hende ku esaki i ta muchu hende riba kaya. Gobièrnu ta bai evaluá esaki den e dianan aki ku ta bini pa asina determiná ken por subi kaya i ken no.
Kanselá òf posponé tur plannan ku por tin pa loke ta vakashon na bo mes kas (Kòrsou). Keda kas i hasi algu útil den e dianan di fiesta ku ta bini aki.
Kontagio nan ku tin awor kasi tur ta e variante nobo. Ta keda strès pa registrá pa bakuna den e dianan ku ta bini.
Awe nos a kibra “record” atrobe. Awe tin 506 kaso nobo. Tin un total di 3102 hende aktivo.2 hende a muri mas di Covid-19. Tin 104 hende den hospital di kual 32 ta den kuido intensivo. E sifranan ta hopi serio.
