Kisas tin biaha ta mustra cu gobierno no tin oido , esaki no ta tur ora ta cuadra cu realidad. Awe por mira cu Minister Ursell Arends a atende e situacion di vuelonan di carga cu hopi seriedad mirando cu ta papia di economia di Aruba.
Berdad Aruba a conoce hopi cambionan negativo pero awe por tuma nota di cambionan positivo ta sosodiendo y poco poco operacionnan y economia di Aruba ta drey di un manera optimal y manera nos tur ta custumbra cu ne.
Despues cu e decision a keda tuma Vuelonan di carga transito entre Aruba cu Venezuela lo ta permiti atrobe bou di cierto condicionnan. Di e manera aki gobierno ta duna companianan local e permiso pa haci e vuelonan aki via di Curaçao, esaki sigur ta un decision positivo pa Aruba.
Minister di transporte Ursell Arends a sa di compronde y sondea e posibilidad nan y a logra pa haci esaki posibel bao di condicionnan pa e vuelonan pasa via di Curaçao.
E condicionnan specifico cu ta conta pa vuelonan di carga di transito a keda estableci den e acuerdo bilateral di aviacion. E maneho temporario aki ta establece algun regla cu ta guia vuelonan comercial te ora cu frontera cu Venezuela bolbe habri.
E vuelonan aki di Venezuela pa Aruba (of vice versa) ta importante pa companianan di carga, pero tambe pa companianan local cu ta busca material pa rebende na Aruba pa e comunidad di Aruba. Banda di tur incertidumbre por bisa cu cosnan bon tambe por keda eherce na bienestar di Aruba general.
Minister di Transporte Ursell Arends a tuma e corahe di implementa e maneho aki y conforme decision di Conseho di Minister di Aruba esaki lo permanece na vigor te ora cu frontera cu Venezuela habri di nobo. Hunto como Arubianonan ta logra metanan bunita pa Aruba sigui florece creando mas trabao.
Foto: optimoroute.com
1 comment
[…] Source link […]