Den nomber di gobienro prome minister Evelyn Wever Croes a baha y ricibi e manifiesto di e sindicatonan y a duna di conoce cu lo tuma e manifiesto den consideracion y lo percura pa tin un contesta.
Prome Minister Evelyn Wever Croes ta duna di conoce cu e puntonan cu a keda treci padilanti gobierno ta subraya nan. Ta trata aki di derecho di trahado, stabilidad di trabao ta puntonan cu semper tabata punto di salida pa gobierno di Aruba. Prome minister ta convenci cu na momento cu sinta na mesa ta sali afo di e preocupacionnan cu tin.
Un sistema di evaluacion uniforme pa gobierno no ta un ley cu prome minister Evelyn Wever Croes y tampoco Minister Ursell Arends a bin cu ne. Segun prome Minister e ta un peticion di empleadonan publico mes cu a critica unda cu tin departamento ta evalua y tin otro departamento no ta evalua , un ta aplica un sistema y otro ta aplica otro sistema cu e trahadonan por keda perhudica.
Empleadonan publico den encuesta a indica cu nan ta keda perhudica pa nan hefenan debi cu no tin un sistema uniforme di evaluacion unda cu hefe por wanta nan atras. Tambe tin otro ambtenaar nan a reclama cu tin biaha nan mester warda 3 pa 4 aña y hasta 5 aña pa e hefe haci un proposicion pa nan keda promovi pa asina nan haya nan bevordering y despues e trahado ta ricibi como contesta cu ta tres aña so por bay bek, ta situacionnan cu tur empleado publico conoce.
Segun prome minister Evelyn Wever Croes ta pa e motibo aki mes mester bin un sistema uniforma cu ta un sistema husto cu tin tur e garantianan y proteccion di trahadonan traha den dje. Tambe loke cu ta duidelijk pa prome minister Evelyn Wever Croes , den e sistema cu a bin cu tin cosnan cu tin cu cambia sigur lo haci esaki y lo cambia nan.
Gobierno di Aruba lo trata e peticion y lo duna contesta prome cu e tempo indica y semper na mesa lo sali afo di tur e insertidumbre nan. E ta un boluntad di gobierno t’ey y sindicato tambe a indica cu no ta contra di un prestatiemanagement system, pero si ta contra cu cierto aspecto di dje. Prome minister ta kere cu tin hopi espacio y pa por sali afo ta importante pa sinta na mesa.