Gobierno di Corsou lo revisa maneho di tur Fundacion cu ta cay bou di ministerio di OWCS

Corsou ta un Pais rico na conocemento, pero tog nos no ta logra percura  pa maneho di gobierno ta basa riba  informacion y conocemento. Asina nos ta perde oportunidad pa haya un maneho efectivo y un miho servicio publico. Ciencia, tecnologia y innovacion ta tres aria hopi fundamental y esencial cu ta influencia tur aria di nos bida, mescos cu e demas ministerio di nos gobernacion. Como tal politica no por ignora e berdad aki mas. Ta un realidad cu den e proximo añanan nos comunidad ta para dilanti situacionnan socialmente hopi compleho. Por ehempel e aspecto di desaroyo duradero, e aspectonan social diversifica creciente y naturalmente prevencion y eradicacion di Pandemia. E consecuencia y risico social tambe di p.e. tecnologia nobo manera Inteligencia Artificial (AI) y

bio- ciencia. Di otro banda conocemento so, no ta hiba nos na decisionnan politico, ni na un maneho efectivo y eficiente, pero mas bien ta bay pa ta bon informa pa por haci un huicio balansa (informed judgment) di norma y metanan. Ademas cientificonan y otro partidonan cu conocemento y experencia riba diferente aria, cu tin otro metanan central (p.e. educacion versus economia versus cuido). Netamente pasobra no tin un relacion  inekivókamente (eenduidig) entre conocemento y maneho, ta necesario pa tin atencion riba un bon manera structura pa yega na maximalisa conocemento den formulacion y ehecucion di maneho.

E enfoke lo ta entre otro riba e siguiente aspectonan:

Re posiciona e rol di ciencia, tecnologia y innovacion como aspectonan fundamental di Nacion building. Implementa un maneho nobo pa Ciencia, Tecnologia y Innovacion;

Fomenta conocemento cientifico den relacion cu nos sociedad pa crea un desaroyo sostenibel y subi calidad di bida. Duna un aporte na desaroyo intelectual y cientifico di Corsou. Contribui na investigacion specialisa. Enrikece conocemento cientifico di pais. Sostene ciencia, tecnologia y innovacion na bienestar di pais i desaroyo di nos sociedad. Explora cooperacion estrecho riba e areanan manera economia, combatimento di ciencia. Formalisacion di ley riba Enseñansa Superior /Academico (LvHO). Institui un asina yama,  ’wetenschappelijkraad’.

Cultura ta e weso di lomba y base pa desaroyo di un comunidad. E ta alabes un instrumento importante pa edifikashon di pais. Ta di vital importancia pa fortifica e balor propio di nos hendenan. Conoce bo historia y cultura pa bo realisa e nacion cu bo ke. E Gobierno aki lo reforma Cultura y den e cuadro aki e.o. lo pone e Plan Nacional pa Desaroyo di Bario den accion.

E concentracion pa loke ta Cultura lo ta dirigi riba e siguiente puntonan di accion:

Realisa un maneho nobo pa cultura. Crea un Instituto Nacional pa Cultura. Promove programanan, manifestacionnan, charlanan y cursonan cultural y documentacion na nivel local, interinsular y internacional. Promove documentacion di nos historia cultural riba tur nivel.

Promocion di mas aprecio pa nos propio logronan riba nivel local, interinsular y internacional. Fomenta mas sentido di responsabilidad y fortifica nos propio identidad. Promove y proteha cultura como medio pa desaroyo economico (economia oraño);

Crea un atmosfera na Corsou pa promove Arte, Cultura y Expresion Creativo for di nivel preescolar te na e actividadnan den comunidad local. Promove creacion di cooperativanan caminda creacion artistico ta tuma luga.

Educacion fisico en general y deporte en particular ta pilanan importante cu ta contribui na formacion y salud fisico, mental y spiritual di hende. Nan tur tin efectonan beneficioso pa nos desaroyo personal, manera: biahamento, dominio propio, concentracion, sentido di exito, reduccion di obesidad, kompañerismo y cohesion social. Alabes deporte ta promove patriotismo y ta pone e producto Corsou riba mapa internacional, particularmente ora atleta/deportistanan di Corsou tin cu competi den exterior. Gobierno ta promove participacion activo y pasivo na movecion y deporte dor di nos poblacion y specialmente hubentud y lo stimula medidanan pa nos hubentud haci mas ehercicio fisico p’asina contribui na un formacion total sano y salud y alabes evita problemanan cu sobrepeso. Maneho di deporte di gobierno nobo ,lo ta enfoca riba e siguiente puntonan di accion. Realisa un maneho nobo pa deporte. Stimula movecion  pre- escolar mas tempran posibel.

Promove educacion fisico y deporte riba tur nivel di enseñansa,crea facilidadnan c.q. acomodacionnan pa esaki y pone relacion cu un estilo di bida salud.Maneho pa percura pa tin suficiente docente pa educacion fisico pa tur tipo di scol.Promove y stimula movecion y deporte den bario (e.o. sostene  y fortifica e preparacion di boluntarionan i lidernan deportivo den bario);

Reparti e facilidadnan deportivo di forma ekitativo den tur bario pa nan bira motor pa promove deporte pa tur region di Corsou.Aplica maneho di renobacion di energia riba e canchanan deportivo existente y esunnan nobo, pa asina e usuario por tin acceso na prijsnan faborabel di electricidad y tambe awa;

Sostene FDOK como organisacion madre pa duna mas miho sosten na tur e federacionnan afilia;

Desaroya un maneho caminda por involucra nos profesionalnan internacional pa duna un aporte na desaroyo di nos hubentud como ‘role model’ nacional.Sostene e proceso pa logra reconocemento Olimpico di Corsou.