Awe 11 october 2022 gobienro di Aruba a habri un dia sumamente satisfecho y alegre, despues di un anochi exitoso, caminda Gobierno di Aruba conhuntamente cu CEDE Aruba y tur nos Centronan di Bario a firma oficialmente e MOU pa asina realisa e proyecto di Veilige Barios.
Un proyecto caminda lo pone fondonan disponibel pa asina mehora y eleva e funcionalidad y e calidad di nos centronan di bario pa hobennan y adultonan mayor, cu e meta pa trece mas siguridad den bario, brinda mas actividad y di e forma ey mas oportunidad tambe na cada ciudadano.
Un palabra di gratitud na Prome Minister Sra. Evelyn Wever-Croes pa kere den e vision y sostene esaki, pero tambe na CEDE Aruba, nos Centronan di Bario, nos ekipo di Ministerio di Husticia y Asuntonan Social y Parlamento di Aruba pa aproba esaki den presupuesto 2022. Un proyecto sumamente bunita y positivo pa pais Aruba.
