Minister Glenbert Coes como minister di Asuntonan Social y Labor a bin cu e fondo di asistencia social di emergencia. Gobierno di Aruba a duna 9 luna e sosoten den su totalidad cu a yuda mas cu 11.500 hende riba FASE. Gobierno di Aruba a duna mas cu 38 miyon di yudansa y e periodo di FASE ta termina dia 31 di december awo.
Ta conoci cu e COVID 19 a sacudi Aruba y pone Aruba den un situacion hopi delicado y cu te dia di awe ainda no a sali for di e situacion fuerte aki cu e virus a bin ta trece pa Aruba y Mundo. Cu e esfuerso di Aruba y e apoyo di Hulanda ta luchando den e dianan aki pa por logra tur ciudadano riba Aruba sobrevivi.
Minister Glenbert Croes a felicita tur hende cu a forma parti di e team di FASE pa asina hunto por a logra pa por pasa e proseso aki cu tur hende por a cobra nan placa di FASE. Sinembargo gobierno di Aruba ta consiente cu e situacion na Aruba no a bira miho y ainda e negoshinan ta pasando den duro, pa es motibo aki mes gobierno di Aruba lo progola FASE cu tres luna mas.
Minister Glenbert Croes den un conferencia di prensa a duna di conoce cu ciudadano por aplica of pronloga pa januari 2021 entre 1 y 10 di januari , no lo haci exepcion si a manda peticion ta laat of incorecto yena. Importante ta pa yena informacion corecto manera bankrekening ,ID, trahado of ZZP y e pago di luna lo ta pa fin di januari 2021.
