Señora Jeannette Richardson-Baars, Landelijke Coördinator di Coördinatiecentrum Mensenhandel Mensensmokkel Aruba (CMMA), riba diahuebs 29 di juli 2021 ultimo a bishita Gobernador di Aruba, Su Excelencia Alfonso Boekhoudt.
Durante di e combersacion, señora Richardson-Baars a informa Gobernador tocante di e campaña di conscientisacion ‘Habri bo Wowo’, cu a wordo desaroya hunto cu Ketenmanager Venezuela. Cu e campaña aki ta trata di siña con pa reconoce traficacion humano y contrabanda di persona, y unda por notifica esaki. Pa CMMA e notificacionnan ta di importancia crucial pa haya mas informacion posibel y pa haya un bista mas amplio posibel di e situacion na Aruba.
E film ‘Otro banda di lama’ cu a lansa na mei ultimo y cu por mira entre otro via di YouTube, ta forma parti di e campaña menciona. Den esaki ta mustra e diferente rolnan cu hendenan por tin den traficacion humano y contrabanda di persona.
