Gobernador di Aruba Juan Alfonso Boekhoudt a duna inicio na e di 39 aña parlamentario E aña aki ta aña parlamentario nobo pero diferente. Un ceremonia di gran importancia pa e organo di mas halto di nos estado di derecho. E cuadro legal aki ta contene reglanan pa ehercicio di poder pa asina garantisa e bon funcionamento di nos democracia, hunto e reglanan y limitenan aki ta forma e base riba cua nos sistema gubernamental legislativo y hudicial ta funciona. Pa e motibo aki mes apertura di anja parlamentario di Aruba ta un di e momentonan di mas importante di e funcionamento di nos democracia unda cu nos estado di derecho ta bira visibel y tangibel y e aña parlamentario aki no ta menos importante.
Si mester sigui e noticianan internacional nos mester ta hopi agradecido di ta biba den un pais cu un sistema constitucional cu tin su fundeshi y raiz hancra riba e principionan di democracia. Rond mundo nos ta wak Paisnan den conflicto unda cu miyones di hende bida diario ta manera un fierno continuo cu violacion continuo cu nan derechonan unda cu no tin respet pa bida di otro no tin libertad ni husticia unda miles y miles di famia ta haya nan forsa pa huy bandonando nan hogar pa busca paz otro caminda. Guera , conflictonan , polarisacion politico y aumento continuo di costo di bida margelarisacion y e consecuencianan mas visibel di e cambio climatico ta destabilisando e sistema global.
Noticianan internacional ta señala cu na 2025 globalmente e temanan importante cu resalta ta cambio climatico, stress economico, escasez di awa y di cuminda, siguridad energetico, fluho migratorio international y distribucion di informacion eronio y di fakenews. Gobernador a enfatisa cu e temanan aki ta sumamente relevante pa Pais Aruba tambe. Den algun caso mas relevante cu nos ta kere. E desafionan aki ta rekeri solucionnan innovativo y colaboracion y ta rekeri un sociedad alerta y cu capacidad pa defende su mes contra di e actornan tanto den exterior como local , humano y artificial cu tin como meta pa distribui informacion eroneo y falso pa amplia e divicion social y politico mas ainda.
Expertonan ta premira cu e riesgonan aki lo ta presenta atrobe durante contiendanan electoral cu ta tuma luga rond mundo. Aruba den e caso aki tambe lo bay urna electoral proximamente y e proceso electoral ta un manifestacion pacifico di e boluntad di e pueblo, y ta pesey e ta e piedra fundamental di nos estado di derecho. Eleccion ta haci posibel pa e votadonan eligi nan lidernan. Y pa tene nan responsabel. E ta di balor inmenso di bienestar di nos mes un sociedad. Eleccion a keda convoca pa december proximo loke cu ta nifica cu na 2025 Aruba lo tin un parlamento y un gobierno nobo.
Den e discurso di awe ta presenta e maneho di gobierno pa e aña parlamentario nobo ta poco diferente cu usual. No obstante cu e echo cu dentro di un par di luna tin un gobierno nobo gobernador ta duna di conoce cu e mester retira e importancia di cumpli cu e principionan di continuidad di gobernacion. Aruba su constitucion ta e refleho di contexto historico y ta e instrumento indispensabel pa canalisa y transforma e destino di nos nacion. Despues di un esfuerso conhunto dirigi na stabilisa economia di nos pais gobierno a enfoca hunto cu tur e actornan importante riba recuperacion. E resultadonan di e empeño aki nos por mira rond di nos. Cu esfuerso di tur actor cu boluntad politico lo por continua cu e proceso di recuperacion exitosamente.
Aruba como destinacion ta keda prominente den Caribe den cual nos economia ta creciendo fuertemente danki na un producto turistico exitoso. Indicadornan cu ta midi e calidad di turista cu ta bishita Aruba ta confirma cu e enfoke di e maneho pa trece turista di afo influyente a duna resultado solido.
Gobierno ta consciente si cu e progreso cu nos tur ta testigo di dje no ta wordo sinti den tur hogar na Aruba ainda. E desaroyo economico den desaroyo cu e reforma nan fiscal di un maneho financiero efectivo a contribui cu nos a logra metanan financiero hancra den ley. Asina por a logra un reduccion di debe nominal como den porcentahe di producto nacional bruto.
A logra mehora e credibilidad financiero cerca agencianan internacional cu a otorga pais Aruba un grado positivo di inversion, contribuyendo asina pa haya un prestamo faborabel riba mercado di capital internacional. E trabounan di reforma pa restructura e servicionan di gobierno ta dunando nan fruto. Pronto Aruba su Ombudsman lo inicia cu su tarea nan como e defensor di ciudadano ora cu e sinti cu su derechonan ta wordo perhudica door di instancianan gubernamental. E esfuersonan aki lo resulta den un aparato gubernamental mas agil y cu un miho servicio publico. Internamente gobierno lo sigui reforsa e procesonan di administracion publico pa yega na cuentanan anual certifica. Den e area di deporte por a constata cu admiracion y cu orguyo con nos deportistanan y atletanan a representa nos pais dignamente den exterior na varios competencia internacional y tambe na e di 33 olimpiada celebra na paris.
Gobierno ta considera di suma importancia y compromiso na e principionan di igualdad y husticia. Oportunidadnan igual ta fundeshi di un sociedad husto y prospero, cada individuo sin importa nan origen of color politico mester tin oportunidadnan igual pa florece y pa contrbui na progreso di nos pais.
Pa Aruba por prospera berdaderamente mester ta alerta y combati forsa nan y sistemanan coruptivo cu ta mina esaki. Corupcion ta un veneno cu ta distorciona e mes un sistema cu mester proteha y empodera nos ciudadanonan. Un democracia vital cu ta fortifica e voz colectivo cu ta fomenta compromiso civico y cu ta promove inclusion ta e atido cu tin mester pa corupcion rond di nos isla.
Aruba por ta un pais chikito cu un economia habri y vunerabel pa factornan externo. Tambe por biba momentonan di exterior politico den nos pais, pero Aruba tin un inmenso privilegio di tin un pueblo trahado, un pueblo segun historia di nos pais cu na varios ocasion cu nunca no a rindi.
Na e momentonan cu nos Pais a enfrenta e retonan di mas grandi nos hendenan a sa di uni y pone man na obra pegando bloki pa bloki pa asina reconstrui nos pais. Awe por wak un recuperacion fuerte tras di lomba cu esaki ta demostra cu no tin dificultad cu no por supera, esaki ta e proposito di meta di cada Arubiano pa proteha loke cu ta di nos. Esaki ta e confiansa cu pueblo ta pone den man di cada un di su representantenan den e organo aki pa defende y pa proteha e balornan democratico di nos pais, Awe esaki ta mas relevante cu nunca.
E pueblo votado lo bay urna electoral dentro di algun luna pa un biaha mas eligi nos representante nan den parlamento di Aruba den su proximo constelacion. Gobernador di Aruba ta haci un yamada na tur esunnan envolvi pa hiba e proceso electoral den un ambiente di Paz y transparencia y respet pa e derechonan humano. Ban evita cualkier tipo di discurso cu tono di odio y of mensahe cu ta contene prehuicio of instigacion of destrubucion di desinformacion cu por causa violencia, discriminacion of division.
Gobernador di Aruba a dirigi su mes na presidente di parlamento unda ta declara estado di derecho ta prescribi y ta declara aña parlamentario 2024-2025 ta habri. Cu DIOS ilumina y guia nos pasonan pa bienestar y progreso di nos pais.
