Actualmente tin 15 caso di COVID-19 na Boneiro y di e 20 testnan cu a keda haci 1 di nan ta positivo. Cantidad di persona cu a pasa hangua un biaha ta 13131, cantidad di persona cu a haya e prome y e di dos hangua ta 7686 y cantidad total di persona cu a registra pa bay vacuna ta 13265 persona. E personanan cu a vacuna dos biaha por biaha sin ningun problema pa haci un test entre e islanan. Esaki ta e idea cu ta discutiendo entre e islanan pa asina mira con lo bay implementa e proceso aki.
Departamento di salubridad publico di Boneiro ta monitor e situacion di COVID -19 entre e islanan hopi di cerca. Gezaghebber Edison Rijna ta duna di conoce cu awor cu e islanan lo bay habri poco poco lo mester haci un bon control di kende ta yega y kende ta sali y kende nan ta vacuna y kende nan cu no ta vacuna.
Sinembargo ta spera cu den termino corto por tin un claridad riba e situacion aki con Boneiro lo bay atende cu ne pa asina e ciudadano por biaha entre e islanan. Segun gezaghebber Edison Rijna personanan cu tin vacunacion dos biaha y despues di dos siman cu nan tin e proteccion maximal cu e vacuna ta duna cu por biaha sin test entre e islanan.
Na Boneiro na e momentonan aki e reglanan ainda ta vigente y por mira esaki riba e website di gobierno di Boneiro. E reglanan cu tey ta keda vigente te cu un proximo anuncio. Si tin cambio lo anuncia esaki debidamente. Latino America ta keda riba e lista di paisnan cu hopi riesgo hopi halto. Esaki ta pone cu e medida di cuarentena central ta keda conta. Sinembargo tambe ta sondea e posibilidad nan pa evita cuarentena central , pa nan por ta den cuarentena na nan cas y of na hotel. Pero e desicion aki no ta di Boneiro, pero un decision cu lo mester keda tuma den tweedekamer na Hulanda pa asina Boneiro por implementa.
1 comment