Practica di prostitucion den gobierno algo comun den nos politica ? Esaki ta e politica di generacion nobo ? Ta di lamenta generacion di politico nobo ta pensa cu di e manera aki nan por ta integro y traha cu sinceridad pa e pueblo di Aruba.
Geoffrey Wever a sali ta gaña bisa cu lo e keda den partido RAIZ, despues ta resulta cu EAnews tin rason y e la bandona partido RAIZ entregando un carta cu no a ser mustra na comunidad di Aruba cu e pretexto di ta un decision interno, lubidando cu tur politico ta un figura publico y mester duna cuenta na pueblo di bo pasonan politico pa pueblo por tin confiansa riba bo. Awe pueblo por tin confiansa den Geoffrey Wever ?
Cu ki areglo realmente Geoffrey Wever lo a sali di partido RAIZ?. Kico ta e pacto diabolico cu a cera y duna e chupabebe na Lider di partido RAIZ Ursel Arends cu ta contento y cu su miho miembro ta bandona RAIZ y na mes momento e dos traicionero di pueblo den parlamento a manda carta cu nan ta ok cu Geoffrey Wever ta keda Minister,esaki ta integro ? Acaso nan no ta rabia y of no contento cu nan ta perde nan miho candidato? No naturalmente cu no debi cu e pacto DUAL cu FUTURO ta e speransa pa RAIZ tambe? lo keda traha cu otro den Futuro? Mane lider di RAIZ mes a indica den un entrevista.
Geoffrey Wever diasabra ultimo a postula su mes como e di dos lider di FUTURO mirando cu tur dos kier poder. Na mes momento Minister demisionario Geoffrey Wever no a laga e stoel dushi como minister y ta fungi como minister di RAIZ y ta den partido FUTURO, esaki ta integro?
Na mes momento e dos pilarnan traicionero den parlamento Misha Raymond y Raymond Kamperveen a entrega un carta pa sosten pa Minister Geoffrey Wever keda cu e Stoel di RAIZ den minister raad. Esaki ta integro ?
Sinembargo e plan di FUTURO-RAIZ y AVP ta pa yama Minister Endy Croes den Parlamento dia 15 di october proximo pa nan entrega un mocion di desconfiansa y pidi e mandatario pa entrega su retiro.
Sinembargo na mes momento e plan diabolico di e TEAM perfecto di FUTURO-RAIZ y AVP cu posibel Accion 21 no a manda yama minister Geoffrey Wever pa bahe como minister mirando cu e ta minister di RAIZ y lider di FUTURO, esaki ta algo contradictorio? Algo contra ley ? Por confia Geoffrey como Minister ? Geoffrey Wever y Gerlien Croes y henter partido RAIZ ta integro ?, ta politiconan cu nos por confia den man di e futuro di Aruba?
Mirando e movecionnan politico falso cu ta wordo haci. Mes un cos cu nan ta den cas , mes un cara di falsedad nan ta bin como politico na bo cas campaña sin un meta, sin un plan , pero simplemente pa nan sed pa poder.
