Ta reina un ambiente toxico den AVB. For di bon fuente nos a compronde tin cierto trahadonan cu no por cu ordo ta sapatia kere cu door cu presidente tin man riba nan cabes pa haci loke nan kier sin respet pa nan hefe. Esaki sigur no ta e forma pa traha cu otro.
Ta forma parti di AVB y ta haya un salario na AVB pa traha, mester por cumpli cu e oranan stipula. E operacion di yega ora nan kier y bay ora nan kier no ta cana pa e generacion nobo den AVB.
Miembronan di bestuur a cuminsa cuestiona tipo di actitud nan asina y aki secretario general a entrega retiro maske con hopi presidente di AVB Sr Lacle a pidie pe reconsidera e decision.
Oficialmente e carta di retiro a keda entrega. Ta conoci cu ta e mes un Secretario general hunto cu presidente actual ta esunnan cu a core un campaña biaha pasa contra ex presidente di AVB e tempo ey Sr Dijkhoff. Nan a tilda ex presidente di mal maneho di ta viaha hopi di ta traha su so pero awe nada no a cambia den AVB presidente actual ta mas afo ganando placa como Machg commisioner unda cu no ta worry pa mehora e nivel di futbol lokaal.
Tambe un di e miembronan di bestuur cu a keda eligi sra Wever desde cu e la keda nombra e no a bini reunion na AVB y ta luchando pa e por bira un Machg commisioner den exterior pa asina por viaha y gana placa. E interes pa mehora y yuda nos muchanan na Aruba realmente no ta na prome luga den e pensamento di presidente di AVB actual y e miembro di bestuur Wever cu a keda eligi.
Tambe mirando e viahe nan pa aña e pregunta ta keda un ambtenaar tin tanto dianan di vakantie pa por biaha y na mes momento gana placa ? siendo di ta un ambtenaar unda nos como ciudadano ta paga nan salario sin ningun beneficio pa Aruba. Na Aruba so e tipo di situacionnan asina aki ta pasa, dicon realmente ? kico ta bay robes ?
E pregunta di oro ta : Sr lacle y Sra Wever ta ambtenaar ta asina hopi vakantie nan tin of asina hopi VVD nan tin ? Of ken ta controla ? of tin man riba nan cabes ? Ta ora pa dirigente nan di clubnan habri nan wowo, na momento cu ta bay vota boso ta e unico cu por trece cambio pa un miho nivel di AVB berdaderamente.
Ta increibel pa kere cu enbes di mira futuro di AVB y di nos deportistanan na Aruba, ta mira probecho propio, aunke cu den e campaña anterior a campaña otro y e realidad ta otro. Ambiente Toxico den AVB tin futbol en general aki na Aruba mustra malo. Un berguensa pa generacionnan bieu mester duna ehempel malo na generacionnan nobo y generacionnan nobo mester trek e cabuya y pone generacion bieu ta consciente cu asina aki no por y cosnan no ta sigui cana asina.