Gang di Arte Bonaire ta cla pa ranca sali cu diferente curso for di 4 di September te cu december 2023 pa hoben nan di Boneiro pa hoben nan cu ta of ke bira artista of cu simplemente ke siña algo artistico nobo. Un di e prome tayernan lo ta tayer di DJ caminda cu tres di DJ experencia lo bay duna e lesnan. Nan lo haña un pakete completo pa asina despues nan mes por toca manera profesionalnan na diferente evento. Den e trayecto di Gang di Arte mes lo bini tambe diferente oportunidad pa presenta na Boneiro, Aruba, Corsou y Hulanda.
Di Boneiro Jaimy Abdul tambe conoci como DJ Orleus y Jerrysen Albertus conoci como DJ Panter lo bay dedica 4 siman pa train e hoben nan di Gang di Arte. Di Corsou, Laennon Rumai tambe conoci como The Spinmaster DJ Laennon lo bini Boneiro pa duna un tayer intensivo di tres dia pa yuda e hobennan aki desaroya ampliamente como DJ. E tres DJnan aki combina ta conta cu mas cu 60 aña di experencia riba diferente den mundo di farandula.
DJ Panter ta conoci na Boneiro den diferente fiesta aki na Boneiro y tambe e la profila pa un temporada como DJ na NosTV y tambe radio. DJ Panter den ultimo tempo ta mas activo como MC Jerr-Y den diferente fiestanan local. DJ Panter ta regresa den mundo di DJ specialmente pa pasa su conocemento como DJ pa e hoben nan di Gang di Arte.
DJ Orleus ta conta cu 25 aña den farandula local y tambe na Hulanda. E la cuminsa su carera aki na Boneiro na 1997 na Whiskey Bar y despues e la pasa pa discoteca E Wowo como DJ residencia. Na Hulanda e la ta toca den festivalnan cu ta ricibi mas cu 60 mil bishitante. Actualmente na Boneiro e ta e DJ residente na varios hotel y tambe e fiestanan regular di Lemonade. DJ Orleus ya a instrui algun DJ aki na Boneiro cu ya ta profesando den fiestanan local y tambe na radio. Awor e ta cla pa duna un man pa crea e siguiente generacion di DJnan aki na Boneiro.
DJ Laennon ta conta cu casi 35 aña di experencia como DJ. Ela cuminsa cu su 11 aña di edad despues di a wordo inspira dor di su ruman homber cu tabata toca den clubnan famoso na Corsou. Ela cuminsa simplemente tocando den bario y a sigui crece bou di diferente grupo manera CLB Disco, DJ Supercat i DJ Massive Sound Abuse. Tambe el a traha na Radio Jumbo 100.3 cu despues a bira Hit 100.3. E tempo ey ya e tabata toca como DJ independiente. For di 2017 e la lanta su compania Spinmaster Entertainment caminda e ta conoci como The Spinmaster – DJ Laennon. Banda di ta toca na diferente eventonan local y tambe pa personanan cu ta bini for di rond mundo Corsou pa casa, e la siña su yu homber di 10 aña toca y awor DJ Diego ta birando cu un popularidad manera e DJ mas yong riba caya.
Gang di Arte ta pa hoben nan di 13 pa 19 aña di edad. Hoben nan cu tin 12 of 20 aña tambe lo por registra y lo tende un combersacion cu nan pa wak si nan ta yega na remarca a pa drenta a base di e criterionan di Gang di Arte. Hoben nan interesa pa bira di DJ tin chens ainda pa tuma contacto cu Gang di Arte Bonaire
1 comment
[…] Source link […]