Diputado Craane a bai kome ku e 5 ganadónan penshonado. Komo muestra di apresio durante e anochi ei nan a risibí un sertifikado. Esaki ta pa balorá e aporte ku e penshonadonan a duna na Boneiru. Un bunita gesto pa honra nan dedikashon i trabou durante nan karera. Ta importante pa konsientisá nos hendenan di balor di e aporte ku penshonadonan a duna na komunidat di Boneiru i pa laga nan sinti ku nos ta apresiá nan esfuersonan.
Banda di e echo ku esaki ta intenshoná pa laga e penshonadonan sinti nan mes bon, su meta ta tambe pa inspirá otronan i mustra gratitut pa tur loke generashonnan anterior a kontribuí kuné na desaroyo i prosperidat di nos isla. I pa tin un influensia positivo riba generashonnan mas hóben, ku por siña di eksperensia i sabiduria di esnan ku tabat’ei promé ku nan. Ta un bunita manera pa fortifiká e lasonan entre e diferente generashonnan i pa krea un sintimentu komunitario.
