Gabinete ta fortalece comunidad digital den parti Caribense di Reino

E mandatario coordinador, Van Huffelen (di Relacionnan di Reino y Digitalisacion)awe ta presenta un agenda di trabou pa un comunidad digital inclusivo, sigur y prometedor. Den e prome agenda di trabou, gabinete a elabora y specifica e temanan ‘fundamento digital’ y ‘gobierno digital’ cu a sali di e carta di liña principal di 8 di maart ultimo. Cu esey a pone e prome paso pa elaborashon concreto di ambicion di gobierno pa e transicion digital di Reino Hulandes.

“Ciudadano y empresa den Hulanda Caribense mester por keda participa di forma equivalente den comunidad digital. Esey hopi biaha no ta e caso ainda”, segun van Huffelen. “E servicio di gobierno no ta equipa di forma optimal ainda y e gobierno digital tambe ainda ta den su infancia. Nos ta bay traha riba esaki pa trece avanse. Nos ta trece un servicio di nivel equivalente na esun di Hulanda Europeo, tanto digital como fisico. Ademas nos lo bay den combersacioncu e paisnan independiente dentro di Reino pa determina kico nos por haci pa fortalece e transicion pa un comunidad digital na Aruba, Corsow y Sint Maarten”.

Den e agenda di trabou tin shete punto di accion paHulanda Caribense:

1. E desaroyo di un sistema di identidad y acceso. Studiante di Hulanda Caribense y e pais nan ta haña un BSN mas liher na Hulanda Europeo di e forma aki, y ta facilita e proceso di peticion pa provicion;
2. Ehecucion di e plan di accion “Publieke dienst verlening Caribisch Nederland” fisicamente y digital riba nivel equivalente;
3. Ehecucion di e plan di accion pa mehora disponibilidad y stabilidad di internet,ademas di haci esaki mas pagabel;
4. Aumento di abilidad digital;
5. Percura pa tur hende por subi online di forma sigur y confiabel;
6. Elabora un proposicion pa fondo di crecimento di cuarto ronde;
7. Determina hunto cu e Paisnan con por sostene e transicion pa un Comunidad Digital.

Ambicionnan grandi

E gabinete ta mira mas aleu di su termino di gobernacion y cu bista riba futuro pa 2030. E agenda di trabou pa e motibo ey tin ambicionnan grandi. Den e realisacion hunto cu tur partido envolvi ta keda busca un balansa entre ambicionan y factibilidad, banda di e trabounan cu ya ta andando. Esaki ta bin bek tambe den e actualisacion anual, pasobra digitalisacion ta rekeri atencion permanente, flexibilidad y adaptacion. A elabora e agenda di trabou den deliberacion estrecho cu co-gobiernonan local pa duna direccion den e transicion digital y digitalisacion den e diferente domeinnan di maneho di gobierno den Reino.