No ta un secreto cu pilarnan di FUTURO ta e master mind nan di fundeshi di AVP cu a parti den dos pa yuda ambos partido. Mirando cu pa dos biaha caba AVP ta perde pa sinta na mando debi cu coalicionnan existente no kier sinta cu nan. Pesey mes nan mes a crea nan dependans.
E mes un grupo fundado nan di AVP esta Duke Croes Omo di Gerlien, Muzaninne Wever Politico riba lista di AVP,yiu di Mery Wever, Angel Bermudes, ex vak minister di finansas di AVP y consehero di AVP pa hopi aña ta e weso di lomba di partido FUTURO / AVP lidera pa Gerlien Groes cu a sali di AVP.
Sinembargo pa EA news no ta mira nada straño cu Minister di RAIZ Geoffrey Wever riba lista di FUTURO na mes momento lo a drenta AVP si no tabata existi tur e turbulencianan cu tin mirando cu ya caba a traha cu AVP riba nan plan di caya grandi y tabata abogado di e compania cu tabatin e honor di haci e caya grandi manera nos tine na e momentonan aki.
Kico realmente a cambia den e lansamento den partido FUTURO? Practicamente nada. Den e conferencia di prensa por a tuma nota cu FUTURO a cuminsa robes caba, ta papia di dos lider cu lo lidera e partido , un rancamento di siboyo pa poder. A menciona publicamente cu den un forma DUAL lo maneha Partido FUTURO, un tristesa pa scucha esaki.
Sinembargo Minister di RAIZ Geoffrey Wever a indica cu e la entrega un carta na lider di partido Ursel Arends cu e no ta forma parti di e partido mas , pero ta keda sinta como minister di RAIZ den partido FUTURO. Ta kere cu realmente Geoffrey Wever a Sali di RAIZ ? of ta e DUAL di FUTURO y dependans di AVP?
Te dia di awe no a saca e carta pa pueblo wak su fecha di retiro di RAIZ. Partido RAIZ a saca un carta menciona cu ta desea Geoffrey Wever tur exito , pero no tin un aprobacion y un fecha cu e la Sali realmente di partido RAIZ. Na mes momento Lider di RAIZ no ta rabia, no ta decepciona y ta menciona den un entrevista cu ta mira dilanti cu lo traha hunto. Strategianan politico cu partidonan ta lucha y bringa y kier logra den un proximo gobernacion FUTURO-AVP-RAIZ. Aparentemente tres partido ta uni pa kibra MEP?
Tampoco no a tende nada riba un plan di campaña, ta campaña cu kico realmente si no tin un plan di campaña presenta? of sikiera e speerpunten. Un FUTURO bon bruha unda politiconan hoben ta campaña sin un plan di campaña. Ta campaña sin cu e pueblo sa kico nan ta para pe, con realmente kier logra cambio cu nan mes ta proclama.
Movecionnan politico ta weganan cu politiconan hoben ta bin cu ne cu ta consecuencianan grandi di instabilidad pa Pais Aruba. Esaki un biaha mas ta demostra cu generacionnan nobo no ta cla pa politica y of maneha un pais, principalmente esunnan cu ta sali di trabou y bira politico, sin sigui un trayectorio di enseñansa politico den nan partido, porehempel Gerlien Groes a sali di Universidad postula su mes riba AVP sin drenta e caminda di enseñansa cu partidonan ta exigi pa bira bon politico, Geoffrey Wever a sali di ta un abogado sin pasa e trayectorio di kico ta come y bebe di politica, Ursel Arends ta sali di mundo di hotel bira minister sin sa nada kico ta politica y haci un desaster politico cu Aruba ta pagando pe unda tur su carteranan ta un desaster.
Esaki ta e partinan cu Aruba , pueblo mester tene bon cuenta cu ne, ta importante di no laga ken cu ta of kico cu ta goberna paso lo haya un gobernacion con cu ta cu lo pone Aruba den problemanan severo. Paso e mentalidad ta pa haya poder y regla cosnan pa nan mes. Den e eleccion aki mester wak bon ken ta traha pa e Pais.