Riba 21 di novèmber 2024, Fundashon Docomomo Curaçao, e representante lokal di e movementu internashonal Docomomo (enfoká riba dokumentashon i konservashon di arkitektura modernista), orguyosamente a presentá e buki “Modern Architecture of Curaçao 1930-1960”. E buki aki, skirbí pa Michael A. Newton i ku fotografia di Ton Verkuijlen, ta tira lus riba un periodo subeksponé pero importante den historia arkitektóniko di Kòrsou. E publikashon, produsí den kolaborashon ku LM Publishers, ta destaká 25 edifisio ikoniko riba e isla ku a wòrdu diseñá entre añanan 1930 i 1960.
Tokante e buki
“Modern Architecture of Curaçao 1930-1960” ta dokumentá e herensia di arkitekturamodernistai di Art Deco architecture naKorsou. E buki ta enfoca riba 25 edifisio diseña y konstruí durante e periodo aki door di arkitektonan lokal y Hulandes, entre otro Hans Werner, Kees Bakker, Ben Smit i Henk Nolte. E arkitektonan aki a logra apliká e prinsipionan di arkitektura modernista internashonal na e kondishonnan úniko di Kòrsou su klima tropikal. Nan trabou a kombiná téknikanan di konstrukshon inovativo i materialnan nobo ku un aserkamentu funshonal i estétiko karakterístiko di modernismo.
Tokante e outor
Michael A. Newton, un arkitekto eksperensiá, eksperto di monumento i miembro di direktiva di DoCoMoMo Curaçao, ke oumentá e konsientisashon di e importansia di e arkitektura aki pa e isla ku e buki aki. “El a resultá di ta un bunita buki di mesa di koffie,” Newton a bisa. “Naturalmente e buki por wòrdu lesá di portada pa portada, pero e diseño ta invitá e lektor pa trankilamente disfrutá di e informashon i potrètnan di kada edifisio úniko.”
Ehèmpelnan di e edifisionan ku a wòrdu diskutí ta:
– Duana naPundadi Hans Werner
– Peter Stuyvesant College (awor Kolegio Alejandro Paula) di arkitekto Anton de Vries.
– Curaçaosche Courant i Alex Building, ambos diseñá pa Kees Bakker.
– St. Elisabeth Hospital (e halanasurost) i e kapelimonasterioAlverna di Ben Smit.
– E Skol Tékniko PLTS di Henk Nolte.
E buki tambe ta ofresé un kapítulo spesial tokante e institutoMgr. Verriet, diseñá pa e arkitekto hulandes renombrá internashonalmente Gerrit Rietveld na aña 1949. E edifisio aki ta un ehèmpel úniko di e aplikashon di arkitektura modernista den Karibe i ta perfektamente adaptá na e klima tropikal di Kòrsou.
Progreso di arkitektura modernista
E movementu modernista na Kòrsou a floresé prinsipalmente den añanan 1930 pa 1960, den kua originalmente arkitektonan ulandes a laga nan marka riba edifisionan di gobièrnu, skolnan, edifisionan komersial i kasnan. Despues di añanan 1960, modernismo a pèrdè su poder, i mas i mas diseño no inspirá a wòrdu introdusí. E buki ta enfatisá e importansia di konserbá e legado arkitektóniko aki i oumentá e apresio lokal pa e strukturanan modernista ku ta para ainda.
Art Deco i Modernismo
Ademas di arkitektura modernista, e influensia di e estilo Art Deco tambe ta wòrdu diskutí den e buki. Arkitektonan manera Pieter van Stuivenberg a kombiná elementonan di tantu arkitektura modernista komo Art Deco den edifisionan manera e teatroWest End ku awor ta bashá abou i e tankinan di awa di LWV. E influensianan aki a krea un estétika úniko ku ta karakterístiko di e isla.
Un kontribushon importante na herensia kultural di Kòrsou
E buki aki ta mas ku un dokumentashon visual di arkitektura bunita. Meta ta pa konsientisá riba e importansia di e strukturanan aki i nan balor kultural pa futuro di Kòrsou. E publikashon no solamente ta duna un bista históriko di arkitektura modernista riba e isla, pero tambe ta inspirá generashonnan nobo di arkitektonan pa siña for di e periodo inovativo i estétikamente riku aki.
Presentashon di buki
E presentashon ofisial di “Modern Architecture of Curaçao 1930-1960” a tuma lugá dia 21 di novèmber 2024 na Biblioteka Mongui Maduro. Durante e anochi, e invitadonan tabatin e oportunidad di mira e prome ehemplarnan. E buki lo ta optenibel na benta for di e fecha ei i lo ta un adishon balioso pa tur hende ku ta interesá den arkitektura, herensia i historia di Kòrsou.
Tokante Fundashon Docomomo Curaçao
Fundashon Docomomo Curaçao a wòrdu fundá na 2009 i ta enfoká riba e dokumentashon i konservashon di arkitektura modernista na Kòrsou. E fundashon ta forma parti di e red internashonal Docomomo, ku a hunga un rol lider den protekshon di edifisionan modernista mundialmente desde su fundashon na 1988.
