Un proyecto cu ta wordo ehecuta durante e ultimo añanan ta e sondeo mensual ariba e especie invasivo conoci como e boa (Boa constrictor). Durante e sondeo expertonan ta analisa e distibucion, dieet, y salud den su totalidad di e boa.
Parke Nacional Arikok ta un punto central caminda ta ricibi yamada y peticion pa busca boa na cas, compania, establecimento of den areanan di recreation. Pa e ultimo añanan gerencia y park rangers ta sigui un protocol pa asina eutanisia e boa na un manera mas humano posibel. E protocol akinan a wordo estableci den colaboracion cu Veterinaire Dienst y , unda ta usa un sistema di “Cool-Freeze Method” caminda cu ta pone e boa prome den frishider despues den freezer. Esaki ta debi cu e boa ta un reptil cu sanger frieuw, cual ta hasi cu nan ta bai den un soño y fayece.
Durante tur session FPNA su expertonan ta logra sondea alrededor di 30 boa. Pa por haci e sondeo akinan, ta saca e saconan di boa un atardi prome for di freezer pa asina por haci e sondeo efectivamente e sigiente mainta. Al contrario di un publicacion ayera, FPNA ta enfatisa cu ta sigui un protocol etrecho cual a wordo estableci pa asina elimina e boa y colecta data na un manera humano y eficiente.
Durante e ultimo sondeonan, a tuma nota cu e boanan ta come varios especie di nos fauna local, entre nan e prikichi y e shoco, cual ta especienan endemico pa e isla di Aruba. Riba e pagina di Facebook: Aruba National Park, ta informa e comunidad encuanto e distribucion di e boa y sondeonan cu ta wordo ehecuta.
