Fundacion Mi Cutisa, encabesa pa su presidente Arthur Kelly y miembronan, ta manda palabra di danki na e cantidad grandi di bishitante cu a apoya su celebracion di dia di Rey 2022.
E dia a resulta exitoso pa tanto e bishitante – como e bendedonan cu tawata tin nan tent di bende producto. Danki grandi pa e casnan comercial cu a regala e premionan pa e feria di mucha.
Danki ta bay pa e artistanan Robert Maduro cu banda Azucar, John Paul Rapista, caha di orgel El Diamante y Reno Steba y su trio, pa a entretene e publico grandi cu a acudi. Danki pa e boluntarionan cu a haci e feria y e bishita paden di Cas Tan Tin posibel. Pabien na Reno Steba cu e reconocimento ricibi di parti di fundacion Mi Cutisa. Danki na prensa di Aruba cu semper ta apoya nos fundacion. E directiva nobo di Mi Cutisa ta priminti cu e reaccion aki a stimula nan pa sigui apoya fundacion Mi Cutisa cu ta mantene Aruba su tradicion bibo.
