Fundacion Lead by Design den colaboracion cu CEDE Aruba ta den pleno
ehecucion di otro programa exitoso pa hobennan. E biaha aki, a toca turno pa Centro di Bario
Lago Heights, unda un cantidad di 19 participante entre edadnan di 16 pa 19 aña ta na un
crusadada cu ta provee un direccion clave pa nan bida.
Un crusada caminda e hoben ta ricibi hermentnan vital cu ta contribui na e discubrimento di nan
identidad. Nan ta siña conoce nan mes miho, nan pakico y claridad riba e miho direccion pa
tuma, alinea cu nan proposito. Subrayando asina tambe nan donnan y talentonan unico, liga na
nan proposito. Pa asina logra ubica e hobenann riba e caminda di exito pa loke ta trata nan
proposito individual, como persona, como profesional y como cuidadanonan integral capaz di
prospera den cada area di nan bida.
Topiconan cu Fundacion Lead by Design ta dunando durante e programa di Centro di Bario
Lago Heights ta:
* Kiko ta temperamento di hoben
* Aplicando sitema di Smart Goals riba bo presupuesto
* E importancia di un nutricion saludabel
* Plania manera un Pro
* Profile Matching
* Funstacle
Conoce bo temperamento ta crucial pa comprone bo mes, como tambe esnan rond di bo. Hopi
esencial ora di traha den ekipo, pa un por conoce e temperamento unico di nan miembro di
ekipo cu lo permiti comprencion y fluho mas efectivo pa loke ta trata e area relacional.
Smart Goals ora ta trata nos presupuesto, ta basicamente algo indispensabel ora di maneha
nos finansas personal. Y ta algo cu por aplica riba otro areanan di nan bida tambe ora ta trata di
maneha finansas di, entre otro, nos proyectonan.
Un bida sin nutricion saludabel y ehercicio, ta un bida cu no ta operando den su capacidad
maximo, y esey ta coresponde na un bida cu ta mantene parti di su capacidad drumi. Y
capacidad drumi, no importa su porcentahe, ta un nacion cu un conhunto di capacidad latente.
Nos mester lanta y opera den e miho version di nos mes, pa nos, nos yiunan y nos pais.
Plania manera un Pro – ta un otro nesesidad clave cu nos como persona, profesional, como
ciudadano mester desaroya. Cada momento cu nos ta drif bai, ta momentonan no productivo a
causa di falta di un bon planificacion.
Profile Matching ta aplica un test di escogencia di carera, na hulandes conoci como un
beroepskeuzetest.
Funstacle Masters tambe tin un acercamento unico ora ta bini na desaroya abilidadnan pa traha
hunto, vence posibel obstaculonan hunto, maneha e proyecto y finalmente logra e meta comun.
Tin evento di core y cana di manera divertido cu e intencion pa haci e logro di e meta, un
experencia agradabel.
Danki na Cede Aruba, Setar NV, Frasa Trading y Elite productions kendenan ta haci e Youth
program posibel pa asina hobennan – nos futuro lidernan mes, por a participa y ricibi e tipo di
contenido aki 100% gratis.
