ORANJESTAD, Aruba
Diadomingo ultimo den Pro Catedral San Frasisco di Asis, Fundacion Fiestas Patrias di Aruba a celebra y conmemora den un bunita Santo Sacrificio di misa nan 199 aña di Independencia di Peru. Invitadosnan eo dignatarionan, representante di Consul di Panama na Aruba sra Giovana Guzman de Tapia, demas consuladonan y diferente fundacionnan a asisti pa hunto acompaña e comunidad Peruano radica akin a Aruba.
E aña aki pa motibo di Covid-19, no por a haci un celebracion grandi manera ta acostumbra, pero si a logra un bunita Santo Sacrificio di misa pa reza y pidi pa Peru, Aruba y mundo henter cu ta pasando den momentonan asina dificil.
Parlamentario Endy Croes a representa nos Prome Minister di Aruba Evelyn Wever-Croes, cu pa motibo di salud no por tabata presente.
Parlamentario Endy Croes na final di misa a hiba un bon discurso, felicitando e Pueblo Peruano y gradiciendo specialmente e comunidad Peruano den nomber di nos Prome Minister y Gobierno di Aruba, e comunidad Peruano cu a laga su pais natal atras pa bin elabora aki cu su trabou duro y di e forma aki yuda contribui na nos economia socio y cultural na bienestar general di pais Aruba.
Parlamentario Croes a agrega cu nos Gran Libertador Betico Croes dfm a bisa cu Arubiano no ta solamente esnan cu a nace akinan, pero tambe tur esnan cu ta haci di Aruba nan hogar.
A gradici Fundacion Fiestas Patrias Peruano Aruba pa e invitacion y pa tur e gestonan hunamitario cu nan a realisa den e temponan dificil aki.
Pa finalisa Parlamentario Croes a termina su discurso cu parti di e letranan di e Himno Nacional di Peru, Nos ta liber, lage ta pa semper, lage ta pa semper.
Masha masha pabien awe 28 di juli nah enter e comunidad Peruano radica aki na Aruba.
Mas di e bunita celebracion aki por wordo aprecia riba e photonan adhunto.
