Presidente di kapel Bethania Steve Geerman ta presenta un tremendo concierto di alabansa cu ta tuma luga na Klooster di Imeldahof diabierna awo 26 di juli. E concierto aki ta specialmente pa honra e religiosonan di pasado den Klooster di Imeldahof.
Esaki lo ta prome biaha cu fundacion di Bethania ta organisa un concierto di alabansa den e sfeer di e hofi bunita di Klooster di Imeldahof. Te na e momentonan aki ta bay tin tres grupo cu ta bay duna presentacion, e gruponan ta di Aruba mes, pero tambe lo ta bay tin algun artistanan invita cu lo bin canta y yena e anochi cu dushi energia.
E actividadnan aki ta keda haci specialmente pa e fundacion di Bethania pa asina nan por logra nan metanan cu nan tin nan dilanti. E fundacion ta trata durante di aña pa organisa un of dos actividad pa asina yuda recauda fondo pa e fundacion mes. Cu e fondonan cu ta haya ta mantene e kapel, pero tambe pa mantencion di exposicionnan y pa plan nan den futuro.
Actualmente fundacion di Bethania tin plan pa traha cashinan nobo debi cu tin varios bukinan bieu cu mester keda exponi, pero pa haci esaki mester di fondo pa por traha e rekinan aki y esaki ta un di e motibonan cu ta organisa e concierto pa por logra e meta pa traha e cashinan pa expone e bukinan.
E invitacion ta keda pa comunidad di Aruba aporta y ta presente na e concierto di alabansa honrando nos religiosonan di pasado y asina ta contribui tambe pa fundacion di Bethania por logra su metanan di mantencion di e Klooster di Imeldahof, pero tambe pa traha cashinan pa buki. E invitacion tey pa pasa y disfruta di un bunita concierto diabierna awo cu lo cuminsa pa 8 or di anochi. Carchinan ta na balor di 25 florin y por haya esaki na parokia di noord y pastoor jairo, pero tambe por contact riba facebook riba pagina di fundacion di Bethania y esunnan interesa tambe por yama na 5657409
