Fundacion Chico Harma a yama un conferencia di prensa na unda cu ta anuncia cu lo habri e temporada oficial di dia di Brazil 2023. Esaki ta e 13 aniversario di dia di Brazil. E mensahe di e aña aki di dia di Brazil ta “Brasa bo Cultura “.
Coordinador di parada cultural Tico Tromp ta duna di conoce cu e ruta di parada di lanterna y e parada cultural ta sali for di centro di bario Brazil direccion pa misa di Brazil bay links drenta den caminda di noord cura cabay bay den rooicochi bay ariba bin bek na misa di Brazil y despues ta bay bek centro di bario di Brazil y e ta termina eynan.
Segun coordinador di parada di cultura Tico Tromp tambe pa e aña aki e casnan cu ta keda den e ruta di e parada cultural lo por gana un premio di e cas mas bunita decora. Di awor aki caba fundacion Chico Harms kier informa e bario unda cu e ruta ta pasa pa haya un iniciativa pa nan decora e cas na cultura di Aruba unda cu lo ta den premio unda cu lo saca e cas miho decora durante di e ruta.
Lo tin diferente bandanan cu ta participa den e parada di cultura y folklore cu lo ta Rincon Boys, Robert Maduro y algun otro banda mas, lo ta bay tin un total di 10 grupo cu lo participa den e parada cultural 2023 y cu lo trece un ambiente unico unda cu cada grupo lo trece e bunitesa di cultura di Aruba. Pa esunnan cu no por ta presente pa e parada cultural y esun di lanterna lo keda pasa pa TeleAruba, Diario TV y Telecuracao unda cu nan lo ta presente pa cubri e parada cultural di Aruba.
Tambe dia 27 di juli lo tin festival cultural lo ta cuminsamento di e festival di cantica di caya cu lo cuminsa pa 7:30 na Centro di Bario Brazil. Dia 19 di augustus lo tin e batacaso tipico cu lo cuminsa pa 8 or di anochi, Dia 26 di augustus lo tin coronacion di Reinanan Cultural cu ta cuminsa di categoria baby y gran dama y lo corona tambe pilar Cultural cu lo ta un sra. Grandi di full Aruba cu lo a destaca y lo a contribui na Cultura di Aruba.
E parada di lanterna lo ta dia prome di september cu lo cuminsa 6:30 saliendo for di centro di bario Brazil unda cu e ruta ta mas of menos 5 kilometer y tur hende cu ta den e parada mester tin su lanterna pa lusa e caminda. Dia 2 di september lo tin e festival di tambu cu lo cuminsa 8 or di anochi na centro di bario Brazil y por ultiomo dia 3 di september ta e grandioso parada folklore cultural cu ta hiba e nomber dia di Brazil cu lo Sali for di centro di bario pa 3 or di atardi.
Fundacion Chico Harms tin diferente parthersnan cu ta haci posibel e eventonan cultural pa Aruba. Tanto Elmar, ATA y UNICA ta apoya e cultura di Aruba y ta forma parti di e grandioso evento aki. E invitacion ta keda pa Aruba completo participa na e fiestanan cultural paso e cultura di Aruba ta di nos e ta y nos tin cu traha riba dje y halse y laga mundo conoce kende nos ta como Arubianonan. Ta keda na nos tur como E Arubiano pa biba y halsa nos cultura.
1 comment
[…] Source link […]