Fundacion Bernadina Growell-Kock ta invita tur musico y agrupacion musical cu ta desea
di participa na nos festival di canto e anja aki pa pasa inskirbi diahuebs awor dia 6 di juni
2024 na Cas di difunta Bernadina na Brazil 43. E orario lo ta di 7-9or. pm.
E festival cu lo tuma lugar dia 3 di augustus tin como meta pa recauda fondo.
Nos organisacion ta existi ya caba desde maart 2011.
Nos a inicia cu nos actividadnan cu e siguiente metanan:
* duna reconocimento na e labor y logronan di nos inolvidable Mama di Cultura, sra.
Bernadina Growell-Kock q.e.p.d.,
documenta y conserva su pertenencianan y
* concientisa nos pueblo di e valor di nos mama di cultura y di cultura en general
Entretanto nos a organisa diferente festival di cancion. Nos ta participa na e paradanan
cultural y di luz den bario di Brazil. Nos a coloca un relieve na Paseo Herencia di mama di
cultura y hunto cu Centro di Bario Brazil a organisa dos Parada Cultural riba caminda
grandi dilanti nos Hotelnan. Nos a drecha cas di e dinfunta y na anja 2019 nos a publica
un buki conmemorativo dedica na Mama di Cultura. Ademas nos a registra un cantidad di
cancion di e difunta.
Fundacion Bernadina Growell-Kock tin mas proyecto pa futuro y pa es motibo aki nos ta
cu organisa actividadnan pa por haya sosten financiero. Nos ta spera cu nos musiconan y
agrupacionnan por pasa inskribi diahuebs awor pa haci e festival un exito.
Fundacion Bernadina Growel-Kock ta informa: Diahuebs awor por inskribi pa participa na festival dedica na Bernadina Growell- Kock
