Awe di 2 di Oktober 2020 ta World No Alcohol Day, un dia sigur pa consientisacion.
E fecha aki ta ser reserva tur aña pa (WHO) World Health Organization unda cu ta para unrato keto y pone atencion na e problemanan causa door di uzo di alcohol y tambe ta pensa ariba manera y strategia pa reduci e problemanan a causa di alcohol. WHO ta bisa cu tin mas di 2 miyon caso di morto pa aña relata na alcohol. Alcohol sigur ta un di problemanan grandi unda cu ta trece complicacion cu salud.
F.A.D.A. tambe ta para keto y forma parti di e dia aki unda nos ta aporta y trece pa comunidad di Aruba un commercial informativo pa asina pueblo por sa e risiconan ora ta tuma e decision pa haci uzo di alcohol.
Cu e video aki F.A.D.A. kier sa con importante bo salud ta pa bo? Y cu e decision final semper ta keda na abo. Un pueblo bon informa semper lo ta un pueblo cu lo tuma desicionnan corecto.
