Aruba ta den celebracion di Siman di Cinta Teal, organisa door di Fundacion Alzheimer Aruba. Un iniciativa di e fundacion pa conscientisa e ciudadanonan riba nos hendenan grandi y hopi di nan ya no ta mentalmente mas cu nos debi na e malesa di Alzheimer.
Den cuadro di e celebracion, a trece Aruba un orador internacional den persona di Robert Caster, kende ta un specialista di siguridad. Segun e mes a splica, e ta specialisa tambe den training di “search & rescue” pero tambe den investigacion.
Den su charla el a duna un splicacion, basa riba su experiencia, e actitud di un persona (cu Alzheimer) cu perde. Na ki momento of con nan ta perde, y unda nan ta bay momento cu nan perde. Hopi importante ta e data cu mester recoge ora cu tin un hende perdi (predeci unda nan ta bay) , pa hay’e mas lihe posibel.
Durante charla el a comparti cu e audiencia estadisticanan cu tin na su disposicion, a analisa casonan anterior con e hendenan a perde y kico nan a haci. Cu esaki por crea un patronchi di con un persona cu Alzheimer ta actua pa den futuro haya pashentnan perde mas lihe posibel. Esaki a apesar cu por papia di diferente patronchi ya cu tur cos ta depende di e entorno den cual nan ta biba.
Segun e experto, cu e data colecta e ta realisa sesionnan di entrenamento rond mundo pa facilita e sistema di buskeda di pashentnan perdi.
Di Aruba e no tin suficiente data ainda pa haci un analisis di e impacto cu e situacion local tin riba un pashent di Alzheimer perdi. Pero si e por papia di resto di mundo, e por bisa cu persona di diferente cultura na final ta actua di e mesun forma. Un hende perdi ta un hende perdi.
Cualkier persona por perde, jong of bieu, cu of sin Alzheimer, pero loke mester sa con cada un ta pensa y actua. Normalmente, segun su experiencia, e persona perdi ta wordo haya hopi cerca di su entorno.
Cu e charla cu el a duna, el a bisa, ta duna e participantenan conocemento. Nan lo haya sa con e hendenan ta actua, unda e hende perdi ta bay y con nan ta actua den e periodo ey. Tempo no ta amigo di un persona perdi.