ORANJESTAD,Aruba
Despues di un temporada di negociacion basta largo, awe mainta, 1 di Juli 2020, gerencia di Ling & Sons Foodmarket y Federacion di Trahadornan di Aruba a formaliza e palabracionnan haci na mesa den un Contrato Colectivo di Trabou (CAO) cu un duracion di 2 aña.
Apesar di e situacion actual cu nos isla ta pasando aden, toch a logra di negocia entre otro un aumento di e salario mensual, mirando cu tin algun tempo caba cu no tabatin un ahuste. Na mes momento partidonan a firma un protocol, den cual ta regla algun medida temporario pa asina grantiza di un banda stabilidad di e empresa, pero di otro banda tambe seguridad di trabou y entrada na e empleadonan.
FTA kier a gradici Ling & Sons pa e esfuerzonan haci pa asina yega na un mehoracion di e condicionnan laboral y na mes momento nos kier felicita tambe nos miembro y delegadonan kendenan por medio di nan dedicacion y empeño a haci posibel e CAO aki.
