Frakshon di mfk awe a entrega dos inisiativa di lei, kual nan ta Inisiativa di lei di bion i inisiativa di lei pa un korte laboral

Manera ya anunsiá mfk su kampaña elektoral ta basa riba promesanan real ku nos ta inkorporá den inisiativanan di lei i entrega esakinan promé ku 19 di mart próksimo ku ta fecha di elekshon pa skohe

Lei di bion den bachi nobo

Segun e asina yama “arbeidskrachtenonderzoek” Ku centraal bureau voor de statistiek (cbs) a hasi na 2019 desempleo bou di hóben ta 41,7%. Dor di covid-19 desempleo a krese drástikamente den 2020.

Frakshon di mfk a entrega un proyekto di lei pa modernisá e asina jama lei di bion. E lei aki mester krea kupo di trabou pa nos hóben yu di kòrsou ku ta desempleá. Un doño di trabou ta haña eksonerashon di loonbelasting i tur prima di seguro sosial ora e tuma un young professional yu di kòrsou di entre 18 i 29 aña na trabou. E lei aki ta baha e gastunan di personal pa e doño di trabou i e trahadó su salario neto ta subi. Un doño di trabou registrá na belastingdienst i ku ta kumpli kabalmente ku su obligashonnan fiskal ta bini na remarke pa e benefisio aki. Lei di bion ta stimulá doño di trabou kumpli ku belastingdienst pa asina e por haña benefisio fiskal.

E doño di trabou ta hasi un petishon na belastingdienst. Si inspektor di belasting no kontesta dentro di 2 siman e petishon outomátikamente ta wòrdu honra. E doño di trabou mester tuma e young professional den servisio fiho òf dun’e un kontrakt di por lo ménos 6 luna. E doño di trabou ta haña eksonerashon pa 5 aña pa e trahadó ei. Por hasi petishon pa un trahadó ku ta gana te ku naf 2.692 pa luna.

E benefisio fiskal pa e doño di trabou i e trahadó ta lo siguiente;

En total e doño di trabou ta spar 48,25% na loonbelasting i prima di seguro sosial pa luna.

Eksonerashon di impuesto riba overtaim

Frakshon di mfk ta haña ta inhustu ku un trahadó mester paga loonbelasting i prima di seguro sosial riba overtaim. Den e proyekto di lei ku frakshon a entrega na staten e trahadó ta haña eksonerashon di impuesto riba e pago di maksimal 10 ora di overtaim pa siman. Tur trahadó ku

Ta gana ménos ku naf 5.781,= florin ta bini na remarke pa e areglo aki. E doño di trabou ta hasi un petishon na yanüari di kada aña na belastingdienst. Si inspektor di belasting no kontesta dentro di 2 siman e petishon outomátikamente ta wòrdu honra.

Korte laboral

Na boka di trabou tin hopi abusu ta sosodé ku trahadó. Frakshon di mfk a entrega un proyekto di lei pa introdusí un kantongerecht pa kasonan laboral. Un trahadó òf doño di trabou no mester di un abogado pa e kuminsá un kaso den korte. E trahadó òf doño di trabou mes ta skibi un karta manda korte. Dentro di 2 luna hues ta atendé e kaso i tuma un desishon. E gastu pa e trahadó ta di naf 50 florin., pa doño di trabou e gastu ta naf 450 florin. Ku e proyekto di lei aki mfk ta habri porta pa trahadó i doño di trabou haña hustisia mas fásil i sin muchu gastu.

Kon ta finansiá e proyekto di lei aki?

Frakshon di mfk a tene debidamente kuenta ku tur proyekto di lei mester ta budget neutral. Hende pudiente ku tin akshon den fondo di invershon ta paga solamente 0,78% na inkomstenbelasting riba dividendo. Frakshon di mfk ta proponé pa dòbel e belasting ku mester paga pa asina haña sèn pa finansiá e proyekto di lei aki.

Frakshon di mfk ta proponé pa baha gastu di consultants. Djis un ehèmpel, pa luna gobiernu ta paga naf 143.058,66 na un consultant pa hasi control na nos hospital nobo, esaki ta djis un ehèmpel di gastunan eksorbitante di pagonan di consultant den e aparato di gobiernu.