Den e trabou pa prevení di e malesa di kanser
Frakshon di MAN a realisa un bishita di trabou na Fundashon Prevenshon. Den e kuadro aki nos a keda risibí pa direktora di fundashon sra Elstak, kaminda huntu ku su demas koleganan a duna nos splikashonan hopi importante di kua e fundashon ta realisando. Banda di esaki nos por a tuma nota di varios tratamentunan ku por wòrdu realisá na Fundashon Prevenshon den kuadro di prevenshon di Kanser.
Tambe nos por a haña un bista riba sifranan di komportashon di partisipashon di komunidat riba tur e yamadanan ku Fundashon Prevenshon a bin ta hasi, pa asina nos hendenan duna ohidó i partisipá na e kòntrolnan previo. Frakshon di MAN por a interkambia un ratu ku prof dr. Pinedo, ku manera semper ta sigui traha na inovashon den kuadro di informashon lokal i tambe internashonal riba e tema kanser!
Frakshon di MAN ta gradisí Fundashon Prevenshon pa e informashonan kompartí, pero tambe nan por sigui konta ku nos sosten tur momento ku esaki ta nesesario!
