Den kuadro di e situashon di nos hospital
Frakshon di MAN den representashon di Sra Mc William a hasi bishita na CMC pa risibi informashon riba e ultimo desaroyo rondo di nos Hospital i kuido hospitalario.
Durante e bishita aki nos a papia riba e situashon finansiero di CMC pero tambe riba futuro di CMC. Banda di esaki nos a hasi bishita spesial na kushina di CMC mirando alegashon ku a bini di parti Gobierno ku CMC su kushina no ta funshona i ku ta kumpra kuminda na un restaurant. Esaki sigur nos por refuta mirando e trabou ku e personal di kushina tur dia hasi pa brinda kuminda na pashèntnan di CMC.
Nos a hasi e bishita aki pa skucha di parti CMC nan preokupashon i ehersisionan ku nan ta hasiendo pa baha gastu i mantene kuido na nivel pa nos pueblo. Pero tambe otro ehersisionan ku ta keda hasi pa oumentá entrada. Banda di esaki a delibera riba e rapòrt di NZa kual Gobiernu den kalidat di minister presidente a indiká di lo implementa di forma integral.
Nos ta kontentu ku e bishita i e informashon risibi. Nos ta en espera pa e reunion di Parlamento ku Minister di Salubridat riba e situashon di CMC i e raport di NZa.
Frakshon di MAN ta para pa un maneho responsabel, informashon korekto i un garantia di kuido mediko di nivel pa pueblo.
