Parlamentario Endy Croes a splika cu ayera a logra saca un carta oficial firma pa FVraccion di MEP completo cu e peticion na Minister di Asuntonan Social Sr. Glenbert Croes pa extende FASE cu 3 luna mas esta October te cu December.
Corona Virus a crea un impacto fuertisimo pa Aruba:
Desde 13 di maart e promer 2 casonan di corona virus a wordo detecta na Aruba esaki a cambia tur cos. Gobierno mester a tuma medidanan pa savalguardia salud di pueblo na promer lugar. Asina a sigui consehonan di RIVM, DVG y expertonan riba e tereno unda a bay over na un total lock down den combinacion cu “shelter in place”. Esaki a trese cune cu Aruba cu su economia ta depende di turismo a colaps completo pa un tempo. Impacto tabata grandi y rapport si Standard & Poors a rate Aruba number uno (1) den 122 pais como e isla cu e impacto y sla economico di mas grandi. Mesora Minister Glenbert Croes a introduci FASE ( Fondo di Asistencia Social di Emergencia) pa juda esnan cu a keda sin trabou desde 13 di maart enadelante debi na corona virus.
Fraccion di MEP pa di 2 biaha ta pidi Gobierno pa prolongacion:
Parlamentario Endy Croes a splika cu den luna di Juni a pidi pa prolonga FASE cu 3 luna mas y a keda contento moento cu Ministerraad a aproba e peticion di Fraccion MEP hasi na Minister Glenbert Croes. Enbista cu tin un di dos ola ( second wave) di corona virus y situacion no a cambia mucho Fraccion di MEP a bolbe saca un carta ayera pa Minister Glenbert Croes cu e peticion pa prolonga FASE 3 luna mas esta te cu December. E peticion aki probablemente lo wordo trata diabierna den Ministerraad y ohala por haña un aprobacion positivo pa asina garantisa e ayudo te fin di aña. Entretanto a compronde cu Gobierno ta preparando un projecto ( programma) pa vang op e hende nan cu ta riba FASE ainda. Extendiendo FASE cu 3 luna e hendenan aki por pasa un fin di aña trankil y gobierno tin espacio pa termina cu su projecto pa momento cu FASE termina por vang op e personanan cu ainda no a hanja un trabou bek. Den tempo duro gobierno mester saca un man pa e ser humano y hunto nos lo traspasa e momentonan dificil aki. Aruba lo sali y lo sali fuerte di e crisis aki.
