No ta un secreto publico, cu desaroyonan rondo di refineria y Bullenbaai no ta cana manera mester ta. Esaki ta stroba desaroyo economico y social di nos pais, trahadonan i futuro trahadonan den e sector aki.
Remarcabel ta e ausencia y falta di asumi responsabilidad di parti Minister President sr. Pisas bou di ken e sector aki ta cay y ta laga esaki na “merced” di RDK. E falta di vision y direccion ta mustra ta hopi di lamenta.
Si nos bay bek den historia di e sector aki semper tabata e Minister Presidente cu tabata duna direccion y asumi responsabilidad di e sector aki.
Tempo cu Shell a bay for di Corsou, Minister President sra Maria Liberia Peters a asumi su responsabilidad, duna cara, duna direccion y lo mas importante trece gremionan hunto den e sector aki y riba nivel di politico cu un meta comun: soru pa desaroyo di nos pais y trahadonan.
E responsabilidad aki bou di Gobiernonan cu a sigui no tabata otro, ex Minister Presidentenan, Schotte, Asjes, Whiteman,Koeiman y Rhuggenaath tur a asumi nan responsabilidad como Minister Presidente pa e sector aki.
Ta di lamenta, cu actualmente banda di falta di transparencia y vision coherente riba desaroyonan pa cu destino di refineria y Bullenbaai Minister President Pisas y no ta asumi su responsabilidad.
Mirando cu no tin ningun transparencia y vision ta importante pa segun convencionnan y recomendacionnan di parti ILO, relashona cu dialogo sosial tripartit, Sentral Sindikaldi Kòrsou(SSK) ta pidi pa organisa un cumbre hunto cu tur “stakeholder” den e sector. Na e momento critico di ki direccion nos mester bay conhuntamente , mester pone tur gremio di interes hunto, pa yega conservacion pa orienta futuro di e sector aki.
Asina conhuntamente cu Minister President sr. Pisas pa bini cu direccion comun di desaroyo den sector pa proximo 5, 10 y 20 aña.
Pa Fraccion di MAN dialogo y sigur cu e representantenan di sector y di e clase trahado y di Comercio, ta di vital importancia, pa logra bienestar social-Economico di nos pueblo.
Pa e motibo aki Fraccion di MAN ta sostene SSK den e peticion aki y ta pidi Minister President sr.Pisas pa asumi responsabilidad di su funcion y deber pa sinta nan mesa cu tur “stakeholders” y crea un vision real y coherente den e sector aki cu mester trece Perspectiva y desaroyo pa Corsou y e clase trahado y su famia.
