Lider di Partido mr. Mike Eman, den nomber di fraccion di AVP a dirigi un carta na consul Dominicano estbleci na Aruba, expresando palabranan di solidaridad, convivencia y empatia pa cu e comunidad Dominicano. E susedidonan di e fin di siman tras di lomba, a conmovi nos comunidad, pa motibo di e laso nan firme di hermandad y amor cu ta existi entre e comunidad Arubano y e comunidad Dominicano, Eman ta expresa.
Mr. Mike Eman a comparti su mas sentido di pesame na e famia(nan) cu ta traspasando den momento difisil, y alabes a expresa palabranan di aliento y convivencia pa e comunidad Dominicano cu a wordo conmovi den e ultimo fin di siman aki,
Den palabranan carga cu emocion, lider di partido mr.Mike Eman a dirigi e siguiente palabranan na nos estimado comunidad Dominicano mediante e consul di Republica Dominicano na Aruba;
Den e spiritu di profundo Convivencia, mi ta dirigi mi mes na boso, den e momento difisil nan aki di tristeza, pa expresa den nomber di fraccion di AVP nos mas sincero condolencia. E noticia tristo di e fin di siman cu a pasa, unda cu dos cuidadano di Republica Dominicano residencia na Aruba a fayece pa motibo di accident di traficio, a conmovi nos.
Pa e familiar(nan) di nos cuidadanonan Ana Rosa Montano Martinez y Domingo Encarnacion Heredia, pa e comunidad Domincano y pa e comunidad di Arubano, ta momento sumamente tristo y difisil. Como ruman nos ta convivi cu boso tristeza.
Laga boso fe y compania di boso amigo(nan), ta e forsa y boso consuelo den e momento tristo aki. Nos ta comparti boso dolor, pero tambe nos tin e siguransa cu nos defuntonan lo permance pa semper den nos curazon.
Den luz di solidaridad fraccion di AVP ta enfatisa cu nos ta convivi cu e tristesa enorme di e perdida di nos ruman(nan). Nos lo mantene e familiarnan di e fayecidonan den nos oracionan. Nos ta eternamente agradecido pa e laso di hermandad, amor y carino cu e comunidad Dominicano semper e demostra.
