Aruba ta e unico pais cu a keda atras pa introduccion di Ombudaman y awe un biaha mas Aruba por tuma nota kedenan ta traha pa e pueblo di Aruba y of traha pa nan interes propio den politica.
Ombudsman ta un ley cu ta funcionando den islanan den Reino y e resultadonan ta exitoso.
Lamentablemente tin wega politico rond di e ombudsman pa Aruba y awe por a mir’e claramente den Parlamento di Aruba. AVP , MAS y Accion 21 a demostra cu nan no ta para pa e pueblo di Aruba y mas ainda no ta para banda di nos muchanan.
Tambe loke a resalta den e reunion ta cu den tanto AVP y MAS tin trahadornan social di funcion cu awe por mira e mentalidad y actuacion contra di un ley di nan mes un profecion. Kico esaki ta bisa di e politiconan realmente? Esaki ta un berguansa Nacional como hende muher tambe den nos comunidad cu no ta para pa derecho di nos ciudadanonan y mas tanto ainda di nos muchanan.
Den oranan di mainta e reunion den Parlamento tabata un momento historico y bunita cu Aruba tambe lo mester a logra, pero e hamber politico di traha pa interes di nan mes a ilustra den parlamento grandemente y cu no ta traha pa e pueblo di Aruba.
Berguenza Nacional y internacional cu fraccion di AVP, MAS y Accion 21 como opocicion a bay contra pa defensor di pueblo djis pa politica. E ley ta bisa bon cla cu 3 instancia separa for di poder politico ta presenta e candidato y 2/3parte di Parlamento mestèr aprobe, pero door cu AVP no a haya sosten pa su amienda a vota contra hunto cu fraccion Mas. Tambe loke cu a hala attencion cu fraccion Accion 21 cu for di ora a drenta politico a bisa cu e lo ta diferente, pero awe den parlamento por a mira cu el a demostra cu e no tin e pueblo di Aruba y a muchanan na pecho.
Por a mira claramente loke ta importante pa Aruba awe AVP,MAS y Accion 21 a vota contra sin cu e por a argumenta cu ta politico lo nombra e defensor di pueblo.
Awe por a experencia y lo keda den nos historia pa semper cu Aruba di berdad no tin maderuz politico pa ďiferencia ora algo ta politico of ora ta algo ta na bienestar di pueblo.
Cua gobierno cu e por ta awe den Reino Hulanda a haya razon cu Aruba su problema di mas grandi ta madurez politico pa haci cosnan grandi na bienestar di na mesun pueblo .
Fraccion di AVP , MAS y Accion 21 a demostra cu nan madurez politico a laga hopi di desea y claramente por mira y scucha den parlamento e berguensa Nacional y Internacional cu nan a pone Aruba den dje.
