ORANJESTAD,Aruba
Diabierna 15 di mei 2020 den oranan di mainta, Fundacion Pa Nos Comunidad (FPNC) ta informa comunidad di Aruba riba nan tarea den e strutura di ayudo di pobreza pa medio di un conferencia di prensa na Centro Kibrahacha.
FPNC, como único banco oficial di cuminda na Aruba, ta un instancia independiente desde su inicio na aña 2009 cual a posiciona su mes riba e dos liña den ayudo structural den pobreza. FPNC ta traha riba diferente aspecto di “ayudo di pobreza” (esta “Armoedezorg”). E structura/ sistema den ayudo ta exigi profesionalismo, experticio, ética di trabao, maneho y criterianan, proceso y proceduranan, responsabilisacion pero tambe un evaluación y monitor constante di desaroyonan den país Aruba. Como instancia independiente no ta asina cu tin e libertad ni derecho sin mas di traha contra e maneho y leynan local stipula door di Gobierno. Den su forma di traha FPNC ta garantisa etica di trabao social, profesionalismo, expertisio den tereno di ayudo relata na pobreza y cooperacion cu mas cu 45 otro instancianan cu ta brinda ayudo na gruponan vulnerabel den nos comunidad. E meta pricipal ta pa brinda sosten na instancianan Amigo di FPNC den nan ayudo pa nan cliente, yuda combati pobreza den forma structural y holistico como tambe garantiza un calidad di servicio. FPNC ta basa su forma di traha riba maneho integral, procesonan den su organisacion como tambe proceduranan existente y dinamico pa por logra e metanan di FPNC pa e comunidad di Aruba.
E trabao di FPNC ta dirigi riba diferente aspecto entre otro:
- alivia hamber – haci mayoría biaha door di instancianan caritativo y humanitario, ayudo structural di pobreza, den mayoria caso trabaonan cu ta wordo haci door di instancianan oficial, participacion y regintegracion di e grupo di meta, colaboracion y ayudo humanitario teniendo cuenta cu derechonan universal, manera tambe traha según e normanan tanto nacional como internacional pa combati pobreza en general.
Den e aspecto ariba menciona, FPNC e ta traha specialmente riba e aspectonan di reintegración y participación di e cliente den comunidad. Alabes ta traha na stimula norma y balornan cu ta essencial den nos comunidad manera e autosuficiencia, responsibilidad personal, e deber moral di sostén di e red di seguridad social (esta sostén di famia y amigo) como tambe e abilidadnan di refleccion y yega na solución propio.
E crisis aki a demostra un biaha mas cu cooperacion, comunicacion, profesionalismo y respet pa trabaonan di otro ta essencial pa hunto por logra yuda e comunidad. Cu cooperacion di instancianan amigo di FPNC a logra saka mas di 2000 pakete den luna di april pa yuda nos comunidad, y hunto lo sigui yuda hopi mas.
Sr.Francis Saladin- Presidente di directiva di FPNC
