Fortifikashon i kresementu di nos Ekonomia pa medio di Turismo Medio Ambiente i Enseñansa

Turismo sostenibel ta enserá un konhunto di aspekto manera entre otro:
envolvimentu di komunidat, estado di nos medio ambiente i e importansha di
kultura.
Den akuerdo di gobernashon entre MFK i PNP titulá: “Un gobernashon di pueblo,
pa pueblo i huntu ku pueblo”, ta menshoná e asina yamá “plan nashonal di desaroyo
di Korsou 2015-2030”. Esaki ta derivá for di e “Sustainable development goals” di
UNESCO.
Sostenibilidat riba aria di energía moderno, konservashon di nos propiedatnan
marítimo i kultural, promoshon di edukashon di kalidat i kontinuo ta algun di e
puntonan prinsipál den e plan ariba menshoná.
Pa loke ta trata turismo ta referí den e plan pa “boost” e sektor aki, poniendo
turismo bou di atenshon di pueblo i pa esaki keda aseptá den pueblo i pa pueblo
mes na final por benefisiá más direkto di e sektor aki.
Tambe ta menshoná desaroyo di programanan pa konsientisá pueblo di e
importansia di turismo pa nos dushi pais.
Pa por realisá un desaroyo duradero ta menshoná tambe, mantenshon di nos medio
amibiente.
Pues, sostenibilidat riba aria di turismo ta mishi ku netamente arianan riba kual nos
tin ku pone man na obra pa realisa nos metanan.
Tur e arianan aki ta konektá ku otro i no por keda tratá komo puntonan di desaroyo
lòs. Ministerio di Enseñansa I Kultura, Ekonomia i Salubridat en pártikular mester
por yega na un plan di ehekushon pa por yega na e desaroyo duradero.
Pa ku e motibu aki, suskrito ta dirigí algun pregunta na partikularmente Ministerio
di ekonomia, Ministerio di Salubridat i Medio Ambiente i tambe Ministerio di
Enseñansa i Kultura.
‘
E pregunta na Minister di Desaroyo Ekonómiko Sr. Ruisandro Cijntje
Minister di Enseñansa Siensia, Kultura & Deporte Sr. Sithree van Heydoorn
Minister di Salubridat Públiko , Medio Ambiente i Naturalesa Sra. Dorothy PieterszJanga;
1. Kon nos ke prómove nos turismo i kiko ta komunidat su ròl den esaki?
2. Kon gobiernu ta bai inkluí pueblo den desaroyo duradero di nos turismo?
3. Kiko ta e vishon pa ku nos turismo?
4. Un team multidisiplinario lo ta na su luga pa ehersé i kontrolá nos medio
ambiente I atrakshonnan turístiko?
5. Tin stapnan/plannan pa mehorá i promové limpiesa di nos pais?
6. Riba ki término por hinka e tema “nos kultura I turismo” den skolnan?
7. Kiko ta e imágen ku gobiernu ke logra riba aria di Turismo den mundu?
8. Riba ki término Parlamento por haña un presentashon riba ehekushon di e
plan di desaroyo?