Prosperidad no ta solamente placa, placa ta inclui den e pakete di prosperidad, pesey hende no mester kere cu ora nan tin placa solamente ,nan ta prospero, pasobra bo amor pa placa no por ta mas grandi cu bo amor pa Dios.
Den 3 Juan 1:2 e ta dirigi na anciano Gayo e ta bisa lo siguiente: Na Gayo , E ruman stima, kende mi ta stima den berdad. Ruman stima, mi ta haci Oracion pa den tur sentido bo prospera y pa bo ta bon di salud, mescos cu bo alma ta prospera.
Mi ta haci oracion pa den tur sentido bo prospera: Kere den nos Señor Cristo Hesus , pa salbacion y bida eterna ta prosperidad. Tene na cuenta cu un bon matrimonio ta prosperidad, Yuinan cu ta lanta den e palabra di Dios, respet y amor ta prosperidad.
Salud ta prosperidad, recuperacion for di cama di malesa ta prosperidad. Biba y mira bo nieto, y bisanieto crece bira grandi ta prosperidad. Un bon trabao ta prosperidad.Ora bo yiunan ta sudia ,y termina nan estudio ta prosperidad. Sirbi Dios ta prosperidad, hiba e palabra di Dios tur caminda cu bo bay ta prosperidad. Haci hende contento, duna na persona den necesidad ta prosperidad.
Prosperidad ta bini di Dios: Mi Dios lo provee tur locual boso tin mester segun Su rikesa den Gloria den Cristo Hesus.( Filipensenan 4:19). Esaki ta nifica cu Dios ta conciente di e bienestar tanto spiritual, fisico y financiero di Su yuinan.
Nos no tin mester di haci nada ilegal pa nos ta prospero pasobra e palabra di Dios ta bisa nos cla den Jeremias 29:11-12: Pasobra Mi sa e plannan cu Mi tin pa boso, plannan pa pas y no pa calamidad,pa duna boso un futuro y un speransa. Anto boso lo sclama na Mi y bin haci oracion, y lo mi scucha boso.
Ta bon pa nos haci tur locual ta posibel pa hobennan compronde cu prosperidad ta bini di Dios, pasobra awendia diabel a hinca den cabes di hobennan cu ta Gangster nan mester ta. Bendedor di Droga, Atracador, biba den inmoralidad, prostitucion.
Imita hende corupto, y nan ta tuma ehempel di pelicula y kier implemente den nan bida real, y cu den realidad nan ta bay sera, pasobra e pensamento ey no ta realistico y no ta trece prosperidad berdadero.
Y e buki di ley aki,lo no aparta for di bo boca, ma bo mester medita den dje di dia y anochi, pa bo percura di haci conforme tur locual ta para scirbi den dje,pasobra e ora ey lo bo haci bo caminda prospera, y e ora ey lo bo tin exito.( Josue 1:8).
Rey Salomon lo no a logra di tin sabiduria y gran rikesa si e no a aserca e trono di Dios den oracion prome.( 1 Reynan 3:7-10).
Entrega awor, y keda na pas cun’E door di esey bondad lo bin pa bo. ( Job 22;21).
No preocupa pa nada,ma den tur cos pa medio di oracion, y suplica cu gradicimento, laga boso peticionan ta conoci dilanti di Dios.(Filipensenan 4:6).
Asina bo ripara cu un hende mester kibra, difama otro pa e crece, esey ta un demostracion cu Dios no ta den e asunto, Dios no kier pa nos envidia, pasobra Dios tin pa cada un di nos locual nos merece, pero pa nos yega na esey, nos mester aserca e trono di Dios.
Prosperidad berdadero ta bini di Dios: Job 42:2 ta bisa : Mi sa cu Bo por haci tur cos, y cu ningun di Bo propositonan no por wordo stroba.
