Aunke minister demisionario Ursel Arends ta indica cu e no a haya un yamada di prome minister demisionario pa e decision apunta pa presidente di parlamento cu e ta ser scoge door di MEP segun e acuerdo gubernamental, Lider di MEP Evelyn Wever Croes a manda un carta pa Lider di plataforma RAIZ indicando nan posicion y nan postura abase di e acuerdo gubernamental cu a firma 3 aña pasa.
E acuerdo ta fundamental cu ta reglanan cu a stipula pa forma coalicion MEP-RAIZ. Pero RAIZ a tuma e decision di kibra e compromiso aki.
E acuerdo aki ta bisa lo siguiente, MEP ta apunta Presidente di parlamento y RAIZ ta apunta Vice Presidente di Parlamento. MEP ta apunta su ministernan y RAIZ ta apunta su ministernan, MEP ta apunta GevMin na den Haag y RAIZ ta apunta GEVmin na Washington.
Den e caso aki palabracion ta palabracion y mester respeta esaki. For di tres aña pasa e palabracion aki a ser firma y a cumpli cu ne manera mester ta. Sinembargo e peticion di RAIZ cu a drenta diahuebs ultimo 5 di september 2024 pa prome biaha tabata un sorpresa pa MEP, mas ainda cu RAIZ no por duna di conoce e kico ta e motibo real di no sostene e decision di Partido MEP cu ta esun cu ta dicidi kende ta bira presidente di Parlamento y No RAIZ manera RAIZ ta biniendo haciendo den e ultimo dianan aki poniendo un presion y dicta cu nan kier dicidi ken mester bira presidente di parlamento siendo cu tin un palabracion mutuo cu mester cumpli cu ne.
Partido RAIZ a demostra cu e ta practica politica inmadura y di dictadura pa kibra un acuerdo y haci y deshaci manera ta bon. Sinembargo Partido MEP tabata bon cla cu esaki , Partido RAIZ no ta subi cabes di partido MEP y a conduci cu nan falsedad y di incumplimento di acuerdonan cu nan a kibra pa haya mas poder a conduci pa baha gobierno.
Na momento cu bo ta un persona cu ta gaña y cu ta fomenta situacionnan cu no ta realidad y ta tuma decision na un decision cu RAIZ no tin derecho di tuma riba dje, paso tin acuerdo na dje ta bisa hopi di e mentalidad falso y no democratico y dictadura cu ta wordo practica door di partido RAIZ.
Gañamento y wega politico y no para na bienestar di pais Aruba y pa haya mas poder politicamente ta e wega di hipocresia di plataforma RAIZ. Tambe Lider di RAIZ y Raymond Kamberveen a gaña publicamente cu nan no a keda notifica di e candidato cu MEP a dicidi , siento tin un carta cu e keda dirigi na nan,pero tin un dicho ta bisa papel ta corta.
Den e carta por mira claramente kico ta e acuerdonan cu tin riba diferente decision di nombracion y kico ta e palabracionnan cu tin forma entre e partidonan. Partido RAIZ no ta un partido di confia y e la demostra esaki den varios ocasion di su moda di dictadura cu e kier comberti Pais Aruba, esaki sigur partido MEP no lo permiti paso democracia ta biba riba nos dushi Aruba.
