Parlamentario Gerlien Groes un parlamentario independiente cu na su prome salida politico ya caba no a wanta su mes na e partido cu a hacie un politico. No ta desconoci cu Gerlien Croes ta un experto den papia cu voz fuerte pero riba contenido no tin nada cu contenido riba realidad politico. Kisas algun aña mas di experencia por hunga un rol.
Sinembargo despues cu presidente di parlamento nobo cu a keda nombra e politico independiente a haci uzo di su minuut pa trece su punto padilanti y ta duna di conoce cu awe ta un inicio un etapa no cu su persona ta spera pa por bisa cu democracia por cuminsa biba bek den Pais Aruba.
Sinembargo berdad e politico Gerlien Croes falta hopi pa distingui kico ta democracia y kico ta dictadura y netamente su persona a vota pa un fraccion dictadura den parlamento y cu no ta integro Segun Parlamentario Independiente Gerlien Croes esey ta democracia.
Sinembargo manera nos grandi nan ta bisa bo ta cosecha loke bo zembra y bo voto cu a ser duna un partido dictador lo demostra si berdaderamente lo haya e democracia cu su persona ta indica.
Segun Gerlien Croes Aruba a libera di e prome secuestro debi cu ainda falta un cu tin cu sali dor di pabou di cocolishi. E prome secuestro segun Gerlien Croes desde cu a drenta parlamento como miembro di parlamento segun su persona for di e prome dia cu locual cu ta e representacion digno y e motibo pakico pueblo ta pone hende den parlamento no tabata biba den e forma cu tabata opera e parlamento. Segun Gerlien Croes transparencia no tabatin y e union mucho menos solamente e otro banda di sala.
Awe porfin tin tog algun cu a laga e señal cay y cu segun Gerlien Croes ta para pa lo corecto pa pueblo libera por completo di e secuestro cu e ta experencia 7 aña largo cu Pais Aruba ta biba aden y cu e no merece segun e parlamentario Independiente. E pueblo por haya desde awe representacion nan di hende cu tin Pais Aruba berdad na pecho. Pais Aruba por uni no solamente entre e partidonan politico uni pa secuestra e sistema pa despues pone pueblo sufri segun parlamentario Gerlien Croes.
Pa awe transparencia ta e inicio pa un etapa nobo pa democracia pa Aruba esaki ta loke mas por spera. Parlamentario independiente ta duna di conoce cu segun su experiencia personal cu e presidente saliente no ta desconoci no ta un bes a keda silencia, no ta un bes e mike a keda paga cu segun e parlamentario na momento cu ta para y ta vocifera pa e pueblo.
Sinembargo parlamentario independiente ta bisto cu e no ta mira loke ta e reglanan na ki ora por papia y ki ora por haci pregunta ? consecuentemente ora ta cana pafo di regla di ki momento por haci pregunta y por papia of duna un punto di ordo ta reglanan cu mester mantene na dje ?Na varios ocasion parlamentario Gerlien Croes a demostra cu e no tin e conocemento di e reglanan y no ta cumpli cu nan tampoco y pa e motibo nan aki mes ta cera e mike paso e regla den parlamento no ta pa desvia di e regla , mes un cos na momento cu tin un ley bo no por y of mag di desvia di esaki y pasa rond di dje?.
Sinembargo parlamentario Independiente ta saca su sed di rabia sabiendo cu no ta cumpli cu regla den parlamento y ta sigui indica cu segun su persona e la keda grita tras di cortina durante reunionnan, kico tin di berdad di esaki no ta conoci si ta un realidad of ta un mentira di e parlamentario independiente.
E berdad ta bo mester por tin un conocemento kico ta un tarea di un parlamentario den parlamento y haci e trabou manera mester ta y mas cu claro corda lesa y studia e reglanan den cas, pero Parlamentario Gerlien Croes ta conoci di no ta gusta regla no den parlamento so pero pafo di parlamento tambe. Sinembargo segun parlamentario Gerlien Croes si no tin etica y respet no tin nada pa Pais Aruba.
Na final Parlamentario Gerlien Croes ta indica cu den e luna nan cu ta keda ta desea e presidente nobo cu su persona mes a vota pe hopi exito y cu porlomenos di e 8 reunionnan cu a keda pidi y for di cual 1 so a keda yama pa un reunion publico di peticion di miembro di parlamento awo ta spera cu e otro 7 reunionnan por wordo awo. Segun Gerlien Croes parlamento ta haci peticionnan pa reunion publico y nan no ta wordo yama paso segun Gerlien nan no ta na beneficio di e partido cu tin Aruba secuestra.
Te awe parlamentario Gerlien Croes ta warda pa minister Glenbert Croes bin parlamento pa duna splicacion dicon tin investigacion den su ministerio, pero no ta cumbini partido MEP prome cu eleccion pa bin parlamento y discuti y dialoga riba e echo ey den parlamento. Pueblo sa y ta conoci cu e situacion y pueblo ta cla awo mas cu nunca pa libera pais Aruba di hende cu di berdad no tin e pais aki na pecho segun parlamentario Independiente Gerlien Croes.
