Pa 2 or di atardi na Aruba cu ta 7 or di anochi na Hulanda prome Minister di Hulanda Mark Rutte lo anuncia un lockdown fuerte pa henter Hulanda. Loke ya caba ta e informacionnan cu por a ricibi ta cu gobierno di Hulanda ta hopi preocupa cu e virus nobo Omicron cu ta esun cu ta pega hopi lihe segun informacionnan ricibi for di Hulanda.
Ya caba Hulanda ta den un lockdown suave for di dos luna caba y scolnan a keda sera te cu 14 di januari 2022.
E lockdouwn aki ta significa cu Hulanda lo bay pasa un pasco y un anjan nobo diferente unda cu no por haci bishita na restaurantnan,café,casino,museum,tiendanan di panja,cinema, pelukeria y tur bassisschool y scolnan di enseyansa avansa tur ta keda sera un siman prome cu normal.
Tur e reglanan stipula lo cuminsa entrante diadomingo 19 december 2021. Esnan cu kier bishita cas, dos persona so mag di haci bishita riba 13 anja , pero pa pasco lo tin un uitzondering cu 4 persona por haci bishita.
Tambe e negoshinan esencial manera e Supermercado , Botica, topsport, Panaderia y tambe ta posibel pa haci dilevery di cuminda for di restaurantnan y cafetaria por keda habri te cu 5 or di atardi y e resto di companianan lo ta sera. Gobierno di Hulanda a tuma e desicionnan y reglanan fuerte aki bao di conseho duna pa asina por para e virus di Omicron cu ta esun cu ta dominando na e momentonan aki na Hulanda .