(REUTERS)Oficina di Fiscal General di Colombia a bisa ayera cu lo cuminsa un investigacion riba acusacionnan cu e yiu homber mas grandi di Presidente Gustavo Petro a tuma placa di traficantenan di droga a cambio di inclui nan den e esfuersonan di paz di su tata.
Nicolas Petro, un legislador di e provincia di Atlantico, a bisa cu e no tin nada di haber cu e esfuersonan di e presidente pa haci pas of entrega acuerdo cu rebeldenan y gangnan criminal, y a yama e acusacionnan “infundado y dañino”.
Petro a bisa den un declaracion ayera cu e ta spera cu su ruman Juan Fernando Petro, kende a nenga rumornan similar, y Nicolas lo tin un oportunidad pa demostra nan inocencia.
E presidente a pidi pa e oficina di fiscal general investiga y Nicolas Petro a aclama un investigacion riba su cuenta di Twitter ayera laat.Un team di investigadornan lo reuni cu e muher cu a haci e acusacionnan contra Nicolas na Barranquilla, e oficina di fiscal general a bisa den un declaracion, y lo evalua si e mester di proteccion. SItuacion na Colombia ta basta tenso.
